قازاقستاندا «ەل قورعانى» مەدالى بەكىتىلەدى
«بۇل مەدالمەن ەرەكشەلەنگەن اسكەري قىزمەتشىلەردى، گەنەرالدار قۇرامىن، وفيتسەرلەردى، سەرجانتتاردى جانە جاۋىنگەرلەردى ماراپاتتاۋدى جوسپارلاۋدامىز. بۇعان قوسا، قارۋلى كۇشتەرىمىزدىڭ قورعانىس قابىلەتىن نىعايتۋعا ۇلەس قوسقان ەل ازاماتتارى دا ماراپاتتالاتىن بولادى»، - دەدى ق ر قورعانىس ءمينيسترى ساكەن جاسۇزاقوۆ.
ەسكە سالا كەتسەك، بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيا وتىرىسى وتكەن بولاتىن. ب ا ق وكىلدەرىنىڭ ساۋالىنا جاۋاپ بەرە كەلە مينيستر بۇل ۇسىنىستى مەملەكەت باسشىسى قولداپ وتىرعاندىعىن باسا ايتتى. 1 جانە 2-دارەجەلى بولاتىن بۇل مەدالدى ۇستىمىزدەگى جىلى ەلىمىزدىڭ قارۋلى كۇشتەرىنىڭ 25 جىلدىق مەرەيتويىندا تابىستاۋ كوزدەلگەن.
«مەنىڭشە، بۇل وتە دۇرىس قادام. ءبىزدىڭ قاتارداعى جاۋىنگەرلەرىمىزدەن باستاپ گەنەرالدارىمىزعا دەيىن وزدەرىنىڭ اسكەري قىزمەتتەگى ايرىقشا قىزمەتى ءۇشىن بەرىلەتىن ۆەدومستۆولىق مەدالعا يە بولادى»، - دەدى ول.
اۆتور: مارلان جيەمباي
