16:40, 10 - ناۋرىز 2017 | GMT +5
باسىنا پىشاق قادالعان اكۋلا ادامنان كومەك سۇرادى
استانا. قازاقپارات - كايمان ارالدارىندا دايۆينگ نۇسقاۋشىسى اكۋلانىڭ باسىنا قادالعان 30 سانتيمەترلىك پىشاقتى سۋىرىپ الدى.
كايمان ارالدارى ماڭىندا دايۆەرلەر توبى سۋ استىندا بولعان كەزدە نۇسقاۋشى بەن دجونسون اينالا ءجۇزىپ ماڭىنان كەتپەي قويعان، ءوزىن ءبىر ءتۇرلى ۇستاعان ۇزىندىعى ءبىر مەترلىك اكۋلانى كورەدى. جاقىنداپ قاراعان دايۆەر اكۋلانىڭ باسىنداعى پىشاقتى بايقايدى.
دايۆەر بالىق كومەك سۇرادى دەپ تۇسىنەدى دە، اكۋلاعا ءجۇزىپ بارىپ، باسىنان پىشاقتى سۋىرىپ الادى. ارتىنشا اكۋلا ءوز باعىتىمەن ءجۇزىپ كەتتى.
ونىڭ باسىنا پىشاقتى كىم سۇققانى بەلگىسىز. 2015 -جىلدان باستاپ، بۇل ارالدا اكۋلا اۋلاۋعا تىيىم سالىنعان. زاڭ بۇزۋشىلار 4 جىلعا دەيىن سوتتالادى، نە 500 مىڭ دوللارعا دەيىن ايىپپۇل تولەيدى.
