انىت ەتەمىن. كۇندەلىكتەن ءۇزىندى

 استانا. قازاقپارات -  قاتتى شىرىلداعان ساعاتتىڭ اشتى داۋسى كىمگە بولسادا جاعىمدى ەستىلە قويماسى انىق. ءوزىڭ تىلەپ العان اۋرۋدىڭ داۋاسى تابىلماس ءسىرا، اقىرى ورنىمنان تۇردىم.

ەرتە تۇرعان ەركەكتىڭ ىرىسى ارتىق، ەرتە تۇرعان ايەلدىڭ ءبىر ءىسى ارتىق» دەگەن دانا حالقىمىز.  قانداي راحات!، قۇلاققا ۇرعان تاناداي اينالا جىم جىرىت. جازدىڭ وسىنداي قىسقا ءتاتتى تاڭىمەن ەرتە اتىپ، جاي باتاتىن ۇزاق كۇنىن - اي شىركىن... كۇننىڭ كوكجيەككە كوتەرىلگەن قىزىل ساۋلەسى تەرەزەدەن ۇيگە ەنتەلەپ تۇر. تابيعاتتىڭ ادام بالاسىنا سىيلاعان اسەم كورنىستەرىمەن سۇلۋلىققا تولى ونسەگىز مىڭ عالام ارينە ءار پەندەنىڭ اللا بەرگەن تاۋسىلماس نىعىمەتى عوي. دارقان دالانىڭ تاڭعى سامالى كەڭسىرىگىمدى كەرنەپ ادامعا باسقاشا ءبىر اسەر بەرگەندەي. بەتى قولىمدى جۋىپ تاڭعى اسىمدى ىشە
سالا جولعا شىقتىم.
 

جول جيەگىندەگى ءار الۋان قوش ءيىستى گۇلدەر. تاڭعى سامالمەن ەرىنە باياۋ قوزعالعان اعاشتار، ءزاۋلىم-ءزاۋلىم اسپانمەن تىلدەسكەن قاباتتار، ءار الۋان فورمادا سالىنعان ۇيلەر. اركىمگە بولسادا جايلىلىق. بۇل ءبىزدىڭ قازاق ەلىنىڭ ەل ورداسى استانا قالاسى. ارعىسىن ايتپاعاندا 19 عاسىرداعى اقان اسەرىنىڭ سازدى اۋەنىنىڭ سارىنى قالعان سارىارقا بۇگىنگى كۇنى كورگەن جاننىڭ كوز ايمىنا، كورمەگەننىڭ ارمانىنا اينالعان. تورىندە اق ورداسى، توبەسىندە كوك تۋى جەلبىرەگەن. ءار- ءبىر قازاق دەپ تاسىعان قانى بار. حالقىنىڭ تىرەگى وتانىنىڭ جۇرەگى تۇڭعىش ەلباسىمزدىڭ سالعان سارا جولى. ەلىڭدى جامانداساڭ ەلىڭە قالاي سىيارسىڭ، جەرىڭدى جامانداساڭ كورىڭە قالاي سىيارسىڭ؟ التاي مەن اتىراۋدىڭ اراسى قازاق ەلىنىڭ ۇلان قايىر دالاسى، كەزىندەگى اۋزى دۋالى، ءسوزى ءۋالى ۇستاعان جەرى سىناتىن. سوزىندە تۇراتىن ەلىم دەپ ەڭىرەگەن، ەتىكپەن سۋ كەشكەن، ءباھادۇر باتىر بابالارىمىزدىڭ بىزگە قالدىرعان شەكسىز بايلىعى، مىزعىماس مۇراسى، اماناتى. بۇگىنگى باقىتتى تاڭنىڭ اتۋى قانشاما قىيلى سۇراپىل زاماننىڭ بوداۋى ەكەنىن قازىرگى ۇرپاق ارداقتاعانى ابزال. ەلۋ جىلدا ەل جاڭا، ءجۇز جىلدا قازان جاڭا بۇگىنى مەن ەرتەڭىنە تاڭ بولاتىن دۇنيە، زامانىڭ تۇلكى بولسا تازى بولىپ شالاتىن زىمىران زامان-اي...
 

وسىنداي وركەنيەتتى دامىعان مادەنيەتتى داۋەردە جاساپ زاتقان زاماندا وتانىن ساتاتىن وپاسىزدار، جەرىن ساتقان جەتەسىزدەر ەلىن ويرانداعان ەزدەر. حالقىنىڭ قازىناسىن قابىنا سالىپ قاشا جونەلەتىندەردى دە كوردىك- اۋ. باسقا ەلدەردەگى بولىپ جاتقان الاۋىزدىقتار مە ءوزىنىڭ پاتشاسىنىڭ باسىن جارىپ، ۇلىعىن ۇلتانىنا تاپتاعان حالىققادا كۋا بولدىق. قۇدايعا مىڭدا ءبىر شۇكىرشىلىك بۇگىنگى كۇنى قازاق ەلى الەم تانىعان، بەرەكە - بىرلگى جاراسقا، ەكونوميكاسى كەمەلدى الەمنىڭ وزىق ەلدەرىمەن ۇزەڭگى سوعىستىرعان ىرگەلى ەلگە اينالدى. قازاقتىڭ كوك بايراعى قانشاما الەمدىك دودالاردا قارسىلاستارىن قاپى قالدىرىپ بيك تۇعىردا جەلبىرەدى. مىنە وسىدان ارتىق قانداي باقىت، قانداي بايلىق كەرەك. يلايىم قازاقتىڭ ماڭدايىنا بىتكەن وسى بەيبىت- بەرەكەلى زامانى ماڭگىلىك بولسىن.. ..

 مەن وسى ويلاردىڭ جەتەگىمەن قانشاما جول باسقانىمدى بىلمەي قالىپپىن. باراتىن جەرىم تەمىرتاۋ قالاسى نومەرى 5516 اسكەري ءبولىمى. ول جەردە وتان الدىنداعى اسكەري بورىشىن وتەپ جاتقان ءىنىم بار ەدى. بۇگىن ءىنىمنىڭ اسكەري انىت قابىلداۋ سالتاناتتى شاراسىنا قاتىسۋعا كەلدىم.
 

قاز- قاتا تىزىلگەن ورىمدەي جاس ۇلاندار اسەرىل مارىش ەكپىنى جوعارى داۋىسپەن بەرىلگەن اسكەري كاماندا، ارينە اركىمنىڭ وتان دەپ سوققان جۇرەگىن، ەلىم دەپ تاسىعان قانىنا رۋح كۇش جىگەر بەرەدى. «وتان الدىندا، حالىق پەن ەلباسى الدىندا اقتىق دەمىم قالعانشا ادال بولۋعا انت بەرەمىن!!» -، دەپ بىرىنەن كەيىن بىرى ەكپىندى ۇنمەن انىت بەرگەن ساربازدار  بويمىداعى قانىمدى تاسىتىپ جىبەرگەندەي بولدى.  مەن قاتارداعى موينىنا مۇزداي قارۋ اسىنعان ءىنىمدى كورگەندە شىنىمەن دە تەبىرەنىپ تولقىدىم. ويتكەنى ول ءوزىنىڭ وتان الدىنداعى ازاماتتىق بورىشىن اتقاردى.  ال مەندە سونداي اسكەر قاتارىندا بولماعانىم ءۇشىن ءوزىمدى ءۇنسىز كىنالادىم. ويتكەنى مەن وزگە ەلدە دۇنيە ەسىگىن اشىپ، شەتەلدە ەرجەتتىم. بۇنداي وراي مەندە بولمادى. دەسەدە بۇگىنگى تاۋەلسىز ەلىمنىڭ توپارڭ اعىن ورالىپ، تولىق قاندى ازاماتى اتاندىم. ۇرپاعىم تاۋەلسىز ەلدىڭ نۇر شۇعىلاسىنا بولەنىپ ءوسىپ كەلدى. موينىما قارۋ اسكەر قاتارىندا بولماسامدا قازاق ەلىنىڭ ەرتەڭى ءۇشىن تاۋەلسىز ەلىمنىڭ ۇلتاراقتاي جەرى ءۇشىن، قاسىق قانىم قالعانشا كۇرەسۋگە انىت ەتەمىن.

 

زاڭعار قابدەن ۇلى