تۇرسىنبەك قاباتوۆ: بالا كۇنىمنەن ءۇندى فيلمىنە ءتۇسۋدى ارماندادىم

استانا. قازاقپارات - تانىمال ءازىلقوي بالا كۇنگى ارمانى تۋرالى ايتىپ بەردى. مۇنىمەن قاتار، الداعى ۋاقىتتا فيلم ءتۇسىرۋى مۇمكىن ەكەنىن جەتكىزدى.

بۇل تۋرالى «تۇنگى ستۋديا» باعدارلاماسىندا ايتىلدى.

تۇرسىنبەك قاباتوۆ ءوزىنىڭ بالا كۇنگى ارمانى تۋرالى ايتىپ بەردى. ول جاستايىنان ءۇندى فيلمدەرىنە قىزىعىپ وسكەن ەكەن. مۇنىمەن قاتار، الداعى ۋاقىتتا ءوزى دە كومەديا جانرىنداعى فيلم ءتۇسىرۋى مۇمكىن.

«ءوزى ۇلتتىق بانكتە جۇمىس ىستەپ ءجۇردى. «ءمولدىر، سەن بانكتە جۇمىس ىستەيسىڭ؟ مەكتەپتى قايتەسىڭ؟ » دەدىم. ونىڭ ۇستىنە ونەر ادامىنىڭ بانكتە جۇمىس ىستەۋى - ۇلكەن جەتىستىك. سويتسەم ول ورتالىق اشۋدى باياعىدان ارمانداپ كەلگەن ەكەن. مەن بالا كۇنىمدە وسى «م م- دە» وقۋدى ارماندادىم. (كۇلدى. ) قالجىڭداپ جاتىرمىن. ادام بالاسىنىڭ ارمانى كوپ قوي. كىشكەنتاي كەزىمدە كينو اكتەرى بولۋدى ارماندادىم.

ءۇندى كينولارىنا تۇسكىم كەلدى. وسىنداي فيلمدەردى كورگەن سوڭ بارلىعىن ۇرىپ تاستايتىنداي ەرەكشە اسەردە جۇرەتىنمىن. ءسويتىپ ءجۇرىپ سىقاقشى بولىپ كەتتىم. قازىرگى ۋاقىتتا كينو ءتۇسىرۋدى قولعا العىم كەلىپ ءجۇر. جۋىردا كينوتەاتردان «بيزنەس پو- كازاحسكي» دەگەن فيلم كوردىم. قاراپ وتىرىپ «وسى جىگىت جارادى! قانداي جاقسى فيلم تۇسىرگەن؟ ! مەن دە وسىنداي فيلم تۇسىرە الاتىن شىعارمىن» دەگەن شابىت كەلدى. ياعني جاڭا جىلعا قاراي كومەديا جانرىنداعى فيلم تۇسىرمەكپىن. تاقىرىبى قۇپيا بولىپ قالا بەرسىن» ، - دەيدى تۇرسىنبەك قاباتوۆ.