14:29, 10 - ناۋرىز 2017 | GMT +5
وڭتۇستىك كورەيادان بۇلىك شىعىپ، ەكى ادام قازا تاپتى
استانا. قازاقپارات - سەۋلدە جۇمادا كورەي رەسپۋبليكاسىنىڭ پرەزيدەنتى پاك كىن حەنى بيلىكتەن الاستاتۋعا قارسى نارازىلىق اكسياسىنىڭ ەكى قاتىسۋشىسى مەرت بولدى.
بۇل تۋرالى رەنحاپ اگەنتتىگى حابارلادى.
ونىڭ دەرەكتەرىنە سايكەس، قايتىس بولعانداردىڭ ءبىرى 72 جاستاعى ەر ادام، ول پوليتسەي اۆتوبۋسىنان قۇلاپ كەتىپ، باسىنان اۋىر جاراقاتتانعان.
ەكىنشى قۇربان جايلى اقپارات جوق. YTN تەلەارناسىنىڭ دەرەكتەرىنە سايكەس، وڭتۇستىك كورەيالىق استانادا كونستيتۋتسيالىق سوت ۇكىم جاريالاعاننان كەيىن بۇل شەشىمگە نارازى دەمونسترانتتاردىڭ پوليتسيامەن قاقتىعىسقانى تىركەلدى.
بۇدان بۇرىن كونستيتۋتسيالىق سوت وڭتۇستىك كورەيا پرەزيدەنتى پاك كىن حەگە يمپيچمەنتتى بەكىتكەن بولاتىن.
