ا ق ش- تا ەرتەڭ تاعى ءبىر قازاق بوكسشىسى شارشى الاڭعا شىعادى

استانا. قازاقپارات - ەرتەڭ ا ق ش- تا قازاقستاندىق بىلعارى قولعاپ شەبەرى بەكمان سويلىبايەۆ كەزەكتى جەكپە-جەگىن وتكىزەدى، دەپ حابارلايدى قازاقپارات ءتىلشىسى.

جەرلەسىمىزدىڭ قارسىلاسى مەكسيكالىق بوكسشى گەرمان مەراز (مەكسيكا، 55-42-1، 32KO). بۇگىن ەكى بوكسشى دا سالماق ولشەۋ راسىمىنەن ءوتتى. ەكىنشى ورتا جەڭىل سالماقتا شارشى الاڭعا شىعاتىن وتانداسىمىز 60,2 كەلى سالماقتى كورسەتسە، قارسىلاسى مەكسيكالىق 59,9 كەلى شىقتى.

ايتا كەتۋ كەرەك، بۇل بوكسشىمىزدىڭ ونىنشى جەكپە-جەگى بولماق. وسىعان دەيىن توعىز رەت شارشى الاڭعا شىعىپ، بارلىعىندا جەڭىسكە جەتكەن. ءتورت كەزدەسۋىن مەرزىمىنەن بۇرىن اياقتادى.

جەكپە-جەك ا ق ش- تىڭ كاليفورنيا شتاتىنداعى تۋستين قالاسىندا وتەدى. ال بۇعان دەيىن تاعى ءبىر بوكسشىمىز ەرتەڭ ا ق ش- تا كەزەكتى ايقاسىن وتكىزەتىنىن جازعان بولاتىنبىز .

اۆتور: كۇنسۇلتان وتارباي