قىرعىزستان پرەزيدەنتىنىڭ قىزى جالاڭاش سۋرەتىن جاريالاپ ەلدىڭ سىنىنا ىلىكتى - فوتو

استانا. قازاقپارات - قىرعىزستان تۇرعىندارى پرەزيدەنت اتامبايەۆتىڭ قىزىن سىنعا الدى.

ءاليا شاگيەۆا ءىش كيىممەن تۇسكەن سۋرەتىن جاريالادى. ول ايى-كۇنى تولىپ، بوسانار ۋاقىتى جاقىنداعانىنا قاراماستان ءبىر اپتادان بەرى جالاڭاش سۋرەتتەرىن جەلىگە جاريالاۋدا.

پرەزيدەنتتىڭ قىزى وسىلايشا ءوزىنىڭ جۇكتى ەكەنىن ءبىلدىردى. ءاليا شاگيەۆا قازىر سانك-پەتەربۋرگتە جولداسىمەن بىرگە تۇرىپ جاتىر.

شاگيەۆا ءۇش كۇننەن سوڭ باسقا سۋرەت جاريالاپ، ەلدىڭ اشۋىنا ءتيدى. سۋرەتتى ۇناتقان ادام سانى دا كوپ. كوپشىلىگى مۇنداي ارەكەتتەردىڭ ەل پرەزيدەنتىنىڭ قىزىنا ساي ەمەستىگىن ايتتى.

الايدا وعان جاۋاپ رەتىندە پرەزيدەنتتىڭ قىزى پاراقشاسىنداعى پىكىر جازۋ قىزمەتىن ءوشىرىپ تاستادى. ول سىني پىكىرلەرگە ءمان بەرمەيتىن سەكىلدى. بىلتىرعى جىلى دا وزگە ۇلت وكىلىنە تۇرمىسقا شىققانى ءۇشىن حالىقتىڭ سىنىنا ۇشىراعان بولاتىن.