ەلوردا اكىمدىگى قوعامدىق كولىكتەگى حالىققا قىزمەت كورسەتۋ ساپاسىن نازارعا الدى
جۇرگىزۋشى م. مىرزاحمەتوۆقا جانە كوندۋكتور ك. ومەشوۆاعا «7№ اۆتوپارك» ج ش س سوگىس جاريالادى. سونىمەن قاتار، استانا اكىمدىگى جولاۋشىلارعا قىزمەت كورسەتۋ ساپاسىنا، سەرۆيس دەڭگەيىنە جانە جۇرگىزۋشىلەر مەن كوندۋكتورلاردىڭ تارتىبىنە باسا نازار اۋدارادى.
بۇعان ۇستىمىزدەگى جىلدىڭ 12- قاڭتارىندا وتكىزىلگەن كولىك ماسەلەلەرى جونىندەگى قوعامدىق تىڭداۋ دالەل بولادى. شارا بارىسىندا حالىققا قىزمەت كورسەتۋ ماسەلەلەرى مەن ولاردى شەشۋ بويىنشا مىندەتتەر اتاپ كورسەتىلدى. وسىعان بايلانىستى، 10- ناۋرىزدا استانا قالاسىنىڭ جولاۋشىلار كولىگى باسقارماسىنىڭ باسشىسى ب. يگەنبەردينوۆتىڭ جەتەكشىلىگىمەن بارلىق اۆتوبۋس پاركتەرىنىڭ اكىمشىلىكتەرىنىڭ قاتىسۋىمەن قابىلدانىپ جاتقان شارالاردى تالداۋ بويىنشا جيىن وتكىزىلەدى.
جيىندا اۆتوبۋس جۇرگىزۋشىلەرىنىڭ مارشرۋتتا ارالىقتى ساقتاۋ جانە جول قوزعالىسى ەرەجەلەرىن بۇزۋ سياقتى ءوز مىندەتتەرىن ورىنداماۋى، سونىمەن قاتار، حالىققا قىزمەت كورسەتۋ دەڭگەيىنىڭ تومەندىگى ءسوز بولادى. وتىرىستىڭ قورىتىندىسى بويىنشا قوسىمشا حابارلانادى.
