پرەزيدەنت شەنەۋنىكتەرگە ءوزىنىڭ بارلىق تۋىستارىن جۇمىسقا الۋدى تالاپ ەتتى

استانا. قازاقپارات - بەلارۋس پرەزيدەنتى الەكساندر لۋكاشەنكو شەنەۋنىكتەرگە ءوزىنىڭ بارلىق تۋىستارىن جۇمىسقا ورنالاستىرۋدى تالاپ ەتتى.

مينيسكىدە بەيسەنبى كۇنى «ارامتاماقتار سالىعىنا» قاتىستى كەڭەس وتكىزە وتىرىپ، شەنەۋنىكتەردىڭ تۋىستارىنا بۇل سالىقتى تولەۋگە جانە ونىمەن بىرگە، جۇمىس ىستەمەۋگە بولمايتىنىن اتاپ ءوتتى.

پرەزيدەنت: «ەگەر ايەلى مەن ناقسۇيەرى سىرقات بولسا - ەمدەيمىز. ال ەگەر ولار ەڭبەككە قابىلەتتى بولسا، وندا جۇمىسقا ورنالاستىرىڭدار»، - دەي وتىرىپ، ازىرگە ناقتى ەسىمدەردى اتاعىسى كەلمەيتىنىن قوسىپ ءوتتى.

لۋكاشەنكو بۇل تالاپتىڭ ورىندالۋى بارىسى جونىندە 1- ساۋىردەن كەيىن بايانداۋدى جۇكتەدى. ايتا كەتەيىك، اتالمىش دەكرەتكە بەلارۋس پرەزيدەنتى الەكساندر لۋكاشەنكو 2015-جىلى قول قويعان بولاتىن. وعان سايكەس، ەڭبەككە قابىلەتتى، ءبىراق جۇمىس ىستەمەيتىن، سونداي-اق سوڭعى التى اي بويى سالىق تولەمەيتىن رەسپۋبليكا تۇرعىندارى جىل سايىن 250 دوللار كولەمىندە سالىق تولەۋى ءتيىس.

ايتپەگەن جاعدايدا، ولار اكىمشىلىك جاۋاپكەرشىلىككە تارتىلادى. 12- اقپان كۇنگى مالىمەتتەر بويىنشا، بەلارۋس بيلىگى 470 مىڭ ازاماتقا اتالمىش سالىقتى تولەۋ جونىندە ەسكەرتپە- حابارلاندىرۋ جىبەرگەن، ونى 54 مىڭنان استام «ارامتاماق» تولەگەن.

اۋدارما: ميرا تولەندى قىزى