قازاقستاننىڭ فۋتبول كلۋبتارى جاڭا لەگيونەرلەرمەن تولىقتى
پرەمەر- ليگاداعى كلۋبتارىمىزدىڭ ءبارى دە كاسىپقوي فۋتبول ليگاسىنا بيىلعى ماۋسىمدا ونەر كورسەتەتىن ويىنشىلارىن تىركەپ قويسا دا، كەيبىرەۋلەرى ءبىرىنشى تۋر قارساڭىندا وزگەرىستەر ەنگىزدى. ياعني جاڭا ويىنشىلار قابىلداندى.
ەستەرىڭىزگە سالا كەتەيىك، قىسقى ترانسفەر كەزەڭى 3 -ءساۋىر كۇنى عانا جابىلادى. ياعني وعان دەيىن وزگەرىستەر ءالى بولادى. «ورداباسى» كلۋبىنىڭ قۇرامى ارگەنتينا قورعاۋشىسى پابلو ەسەكەل فونتانەلومەن تولىقتى. ول سوڭعى جىلدارى ۋكراينانىڭ «چەرنومورەتس» كلۋبى ساپىندا وينادى. ەۋروپا ليگاسىنىڭ توپتىق كەزەڭىندە دوپ تەۋىپ، تاجىريبە جيناعان. 2014 -جىلى ۋكرايناداعى ساياسي جاعدايعا بايلانىستى كەتىپ قالىپ، نورۆەگيادا («ستابەك») جانە رەسەيدە («ۋرال» ) ويناعان.
ءبىر كوڭىل اۋدارارلىعى، «ورداباسى» كلۋبىندا قازىر - توعىز لەگيونەر. وڭتۇستىك قازاقستان كلۋبى ق ر كاسىپقوي فۋتبول ليگاسىنىڭ سوڭعى شەشىمىن قولدانىپ، قوسىمشا لەگيونەر تىركەپ وتىر. قوسىمشا لەگيونەرى ءۇشىن سىياقى تولەۋى دە مۇمكىن...
«قايرات» فۋتبول كلۋبى دا قۇرامىن تولىقتىردى. ول - اكوش ەلەك. جارتىلاي قورعاۋشى. ۆەنگريا قۇراماسىنىڭ ويىنشىسى. بىلتىر فرانسيادا وتكەن ەۋروپا چەمپيوناتىنا قاتىسىپ، پورتۋگاليا جانە بەلگيا قۇرامالارىمەن وتكەن كەزدەسۋلەردە ءوز ەلىنىڭ نامىسىن قورعاعان.
ماديار ەلىنىڭ 2011 -جىلعى چەمپيونى. 1988 -جىلى 21 -شىلدە كۇنى تۋعان. بويى - 193 س م، سالماعى - 91 كەلى سونداي-اق كيەۆتىڭ ايگىلى «ديناموسىنىڭ» بالالار مەكتەبىندە تاربيەلەنگەن الەكساندر ەرماچەنكو «اقتوبەگە» اۋىستى. ۋكراينانىڭ جاسوسپىرىمدەر اراسىنداعى قۇراماسىندا ويناپ، تالانتتى فۋتبولشىلارىنىڭ ءبىرى رەتىندە كوزگە تۇسكەن. 2011 -جىلى گراناتكين تۋرنيرىنىڭ ەڭ ۇزدىك جارتىلاي قورعاۋشىسى اتانعان. 1993 -جىلى 29 -قاڭتاردا تۋعان. بويى - 170 س م، سالماعى - 62 كەلى. «ەرتىس» قاتارىنا گرۋزيا قورعاۋشىسى لاشا دۆالي قوسىلدى. ءبىراق ول پولشانىڭ «شلەنسك» كلۋبىنان جالعا الىنعان. بۇل قورعاۋشى «سكونتو» (لاتۆيا)، «رەدينگ» (انگليا)، «كاسيمپاشا» (تۇركيا) جانە «دۋيسبۋرگ» (گەرمانيا) كلۋبتارى ساپىندا ويناعان. 1995 -جىلى 14 -مامىردا تۋعان. بويى - 191 س م، سالماعى - 80 كەلى.
دەرەككوز: استانا فۋتبول فەدەراتسياسى
