ديماش قازاقتىڭ «دايديداۋىن» ازيا اندەرى رەيتينگىنە ەنگىزدى
بۇل كۇندە ديماش شىرقاعان «دايديداۋ» ءانى «ازيانىڭ جاڭا اندەرى» رەيتينگىندە 107 341 ۇپايمەن 15-ورىننان كورىندى. ال ونىڭ بۇعان دەيىنگى شىرقاعان «Adagio» مەن «SOS d'un terrien en détresse» اندەرى سايكەسىنشە 41 جانە 50-ورىنداردى يەلەندى. ايتا كەتەرلىگى، قازاقتىڭ «دايديداۋ» ءانى قىتاي تىلىندە دە شىرقالعان. شىڭجاڭدىق ءانشى گاو يىن 2012 -جىلى اتالمىش ءان قامتىلعان حالىق اندەرى البومىن شىعارىپ، يتاليانىڭ «Premio Lunezia» سىيلىعىن جەڭىپ العان بىردەن- ءبىر قىتايلىق ءانشى اتاندى.
ەسكە سالا كەتەيىك، ديماش قۇدايبەرگەن 2015 -جىلى «سلاۆيان بازارى» حالىقارالىق ءان بايقاۋىندا وسى «دايديداۋمەن» باس جۇلدەنى جەڭىپ الدى. «ازيانىڭ جاڭا اندەرى» رەيتينگى ازيالىق انشىلەردىڭ قىتايداعى تانىمالدىلىعىنا بايلانىستى جاسالادى. وندا اندەردىڭ تىڭدالىمى، اقىلى تۇردە جۇكتەپ الىنۋى بويىنشا ۇپايلار بەرىلىپ، رەيتينگ قۇرىلادى. ول ءار 10 مينۋت سايىن جاڭالانىپ، جىل سوڭىندا جىلدىڭ توپ- رەيتينگى جاريالانادى.
اۆتور: مۇحتار قاليموللا ۇلى
