ەرلى- زايىپتىلار ولگەن كەنگۋرۋدىڭ قالتاسىنان ءتولىن شىعارىپ، قۇتقاردى
استانا. قازاقپارات - اۆسترالياداعى بريسبەندە مەتتيۋ دريۋ مەن ونىڭ ايەلى جارالى، ناۋقاس جابايى جانۋارلاردى قاداعالاۋمەن اينالىسادى. بىردە ولار جول جيەگىندە جاتقان كەنگۋرۋدىڭ انالىعىن كورەدى. ولار نە بولعانىن ءبىلۋ ءۇشىن دەرەۋ كولىكتەرىن توقتاتادى.
«ءبىز ونىڭ ءولى- ءتىرىسىن، قالتاسىندا ءتولى بار ما، جوق پا، تەكسەرگىمىز كەلدى، - دەدى مەتتيۋ. بار ەكەنىن كورگەن ولار كەنگۋرۋدىڭ بالاسىن الىپ شىعىپ، ۆەتەرينارلىق كلينيكاعا اپاردى. ەرلى- زايىپتىلاردىڭ ايتۋىنشا، جارتى جىل بۇرىن دا وسىنداي جاعدايعا تاپ بولعان. ولار قۇتقارعان كەنگۋرۋ ساپ- ساۋ بولىپ وسكەن.
