اۋىلعا كىرىپ كەلگەن جابايى ارىستاندار تۇرعىنداردىڭ زارەسىن الدى

استانا. قازاقپارات - ءۇندىستاندىق گۋدجارات شتاتىنداعى اۋىلدا كوشەدە پايدا بولعان جابايى ازيالىق ارىستاندار جەرگىلىكتى تۇرعىنداردىڭ زارەسىن الدى.

بۇل تۋرالى Indiatvnews.com. سايتى حابارلادى. ءۇش جىرتقىش گۋدجارات وڭتۇستىگىندەگى گيگاسان اۋىلى جاقتان كەلدى.

ولار ەلدى مەكەن شەكاراسىنداعى الاڭدى اسىقپاي ەڭسەرىپ، گيگاسان كوشەسىنەن ءوتتى. ولار اۋىلدان شامامەن ون مينۋتتان كەيىن كەتتى.

قورىققان شارۋالار جۇمىستارىن تاستاي قاشتى. گيگاسان تۇرعىندارىنىڭ ءبىرى قاۋىپسىز جەردە تۇرىپ ارىستانداردى ءتۇسىرىپ العان. جەرگىلىكتى تۇرعىندار ولار ازيالىق ارىستاندار ساقتالعان الەمدەگى جالعىز ورىن - كورشى گيرسك قورىعىنان كەلگەن دەپ بولجاۋدا.

ونىڭ اۋماعى 312 گە دەيىن كوبەيگەن ارىستاندارعا قورەكتەنۋ ءۇشىن ازدىق ەتكەندىكتەن، ولار جاڭا تىرشىلىك كوزىن ىزدەۋگە ءماجبۇر.