پرەزيدەنت اتانۋعا ۇمىتكەر ايەل جالاڭاش توسىمەن داۋىس جيناماق بولدى - فوتو

استانا. قازاقپارات - فرانسيا پرەزيدەنتى اتانۋعا ۇمىتكەرلەردىڭ ءبىرى سيندي لي جۇرت الدىندا ءتوسىن جالاڭاشتاپ، داۋىس جيناماق بولعانى كەزىندە قاماۋعا الىندى.

بۇل تۋرالى NUR. KZ پورتالى شەتەلدىك باسىلىمدارعا سىلتەمە جاساپ حابارلايدى.

كەزىندە ستريپتيزشى بولىپ جۇمىس ىستەگەن سيندي ءوزىن پرەزيدەنتتىككە ۇسىنعان بولاتىن. 52 جاستاعى ايەل «ءلاززات» پارتياسى اتىنان ۇمىتكەر بولىپ وتىر. سيندي ءتوسىن جالاڭاشتاپ كوشەگە شىققاننان كەيىن 30 شاقتى پوليتسەي ونى فەمينيستىك بەلسەندىلەرمەن شاتاستىرىپ، قاماۋعا الدى.

تەك شورتىمەن پاريج كوشەلەرىن ارالاعان ارۋ وسىلايشا كەز كەلگەن جاعدايدا اشىقتىق بولۋى كەرەك ەكەنىن العا تارتىپ، ەل داۋىسىن جيناماق بولىپتى. ول سايلاۋشىلارمەن سويلەسىپ، بروشيۋرالار تاراتىپ جۇرگەن.

«ءبىز مۇندا اڭگىمە كوررۋپتسيا جايلى بولعاندا اشىقتىقتى تالاپ ەتۋ ءۇشىن كەلىپ وتىرمىز. ال مەنىڭ جارتىلاي جالاڭاش ءتوسىم اشىقتىقتى بايقاتادى»، - دەيدى سيندي.