07:01, 09 - ناۋرىز 2017 | GMT +5
ماداگاسكار ارالىندا تابيعي اپات ويران سالىپ كەتتى
استانا. قازاقپارات - ءۇندى مۇحيتىنداعى ماداگاسكار ارالىندا «ەناۆو» داۋىلى ويران سالدى. تابيعاتتىڭ توسىن ارەكەتىنەن 3 ادام وپات بولدى.
جەل ساعاتىنا 300 شاقىرىم جىلدامدىقپەن سوققان، دەپ جازادى «حابار 24». تروپيكالىق سيكلوننان انتالاحا قالاسى قاتتى زارداپ شەكتى. مۇندا اعاشتار ءتۇپ-تامىرىمەن قوسا قوپارىلىپ، ەلەكتر باعاندارى قۇلاعان. وسىنىڭ سالدارىنان تۇرعىندار جارىقسىز قالدى. داۋىلمەن بىرگە كەلگەن نوسەردىڭ كەسىرىنەن ارالدىڭ سولتۇستىك- باتىسىندا لاي كوشكىنى ءجۇردى. قازىر جەرگىلىكتى بيلىك تابيعي اپاتتان كەلگەن شىعىن كولەمىن ەسەپتەۋگە كىرىسكەن.
