الماتىدا «قازاقستاننىڭ تانىمال حانىمدارى» كورمەسى ءوتتى
وسى كورمەنىڭ وتكىزىلۋىنە Women of Kazakhstan بەيكوممەرتسيالىق ۇيىمى "الماتى قالاسى مۋزەيلەر بىرلەستىگىمەن" بىرىگىپ مۇرىندىق بولدى. يگى شارانىڭ نەگىزگى قىزمەتى تاريحتاعى ايەلدەردىڭ بىرەگەي تۇلعالارى جايلى مالىمەت جيناۋ جانە ونى تاراتۋ بولىپ تابىلادى. ماتەريالداردى جيناقتاۋ جۇمىستارى 1950 -جىلدان باستاۋ العان جانە اتالمىش توپتاما تۇبىندە قازاقستانداعى العاشقى ايەلدەر مۇراجايىن قۇرۋ ءۇشىن نەگىز بولىپ تابىلادى. كورمە المالى اۋدانى اكىمىنىڭ اپپاراتى مەن الماتى قالاسى مادەنيەت جانە ارحيۆتەر باسقارماسىنىڭ قولداۋىمەن وتكىزىلدى.
كورمەنىڭ نەگىزگى ماقساتى - نازىك جاندىلاردىڭ بەينەسىن قالا تۇرعىندارى مەن قوناقتارىنا ۇسىنۋ، ولاردىڭ كاسىبي، ومىرلىك جەتىستىكتەرىن ناسيحاتتاۋ جانە جاس ۇرپاقتىڭ رۋحىن كوتەرۋ. كورمە اياسىندا تاريحي تۇلعالار تۋرالى شىققان ەڭبەكتەر، اشىق حاتتار، توسبەلگىلەر، ماركالار، كونۆەرتتەر جانە كۇنتىزبەلەر ۇسىنىلدى.
