تالدىقورعاندا جەتىسۋ اسپانىن باعىندىرعان ارۋ تۇرادى - فوتو
اسپاندا قالىقتاۋعا بالا كەزىنەن ىڭكار بولعان سۋرەتشى قىزدىڭ ەسىمى بۇگىندە الماتى وبلىسىندا كەڭىنەن ءمالىم. ەميليا كۋپبايەۆا ءاربىر اۋەگە ۇشۋعا تىڭعىلىقتى دايىندالادى. مۇنداي جاعدايدا جەلدىڭ سوعىسى، اۋا اعىسى سياقتى قۇبىلىستاردىڭ ءبارى ماڭىزدى. سپورتشى ۇشۋ باعىتىن سوعان قاراپ باعامدايدى. پاراپلانمەن اينالىسقانىنا ءبىر جىل بولعان ارۋ ءۇشىن بۇل حوببي. دەگەنمەن ول اۋەگە كوتەرىلگەن كەزدە ءبىر دەمالىپ قالاتىنىن ايتادى.
ەشتەڭە ويلاماي، قالىقتاپ، قيالعا قانات بىتىرۋگە بولاتىنىن جاسىرمايدى. ەميليا ءبىر جىلدا ءبىرتالاي جەتىستىككە قول جەتكىزگەن. پاراپلانەرلەر دوداسىندا ەل چەمپيوناتىندا ۇزدىك اتانىپ، حالىقارالىق سايىسقا جولداما الدى. قازىرگى تاڭدا البانيادا وتەتىن الەم چەمپيوناتىنا دايىندالىپ جاتىر. جاتتىقتىرۋشىسى ءارى وبلىستىق پاراپلانەرلەر كلۋبىنىڭ جەتەكشىسى يگور ۆەرشكيدىڭ ايتۋىنشا حالىقارالىق دوداعا الماتى وبلىسىنان بەس ادام قاتىسادى. قاتارىندا ەميليا كۋپبايەۆا دا بار. ەكستريمالدى سپورت وڭىردە جاقسى دامىپ كەلەدى. تالدىقورعاننان 20 عا جۋىق پاراپلانەرشى بار. 
ال اسپانعا اڭسارى اۋىپ تۇراتىن نازىك قىزدىڭ نەگىزگى كاسىبى سۋرەت ديزاينەرلىك ونەر. ول جيھازداردىڭ جاڭا تۇرلەرىنە ءار بەرەدى. بالا كەزىنەن سۋرەت سالۋعا قۇشتار بولعان نازىك جاندىنى ەلىكتىرەتىن كوك اسپان. سۇڭقار قۇستاي قانات قاعىپ، بيىكتە سامعاۋ ارقىلى جەتىسۋلىق ارۋ ءوز ارماندارى مەن ماقساتتارىنا جەردە دە قول جەتكىزۋگە بولادى دەگەن پىكىردە.
اۆتور: سامال قابىشەۆا
