16:11, 08 - ناۋرىز 2017 | GMT +5
قىزىلوردادا قوعامدىق كولىكتەردە ارۋلارعا گۇل تاراتىلىپ جاتىر - فوتو
قىزىلوردا. قازاقپارات - بۇگىن قىزىلوردا قالاسى اكىمدىگى جانە «قىزىلوردا اۆتوبۋس پاركى» 8 -ناۋرىز - حالىقارالىق ايەلدەر كۇنى مەرەكەسىنە وراي نازىك جاندىلارىنا مەرەكەلىك كوڭىل- كۇي سىيلاۋ ماقساتىندا، قالاداعى قوعامدىق كولىكتەردە مىڭ دانا گۇل شوقتارىن سىيعا تارتتى، دەپ حابارلادى قازاقپارات ح ا ا ءتىلشىسى.
«قىزىلوردا اۆتوبۋس پاركى» ج ش س قىزمەتكەرلەرى قوعامدىق كولىكتەرگە مىنگەن نازىك جاندارعا قۇتتىقتاۋلارىن جەتكىزىپ ارنايى الىنعان گۇلدەردى تاراتىپ وتىردى. قىز-كەلىنشەكتەر بولسا ۇيىمداستىرۋشىلارعا العىستارىن جاۋدىرىپ جاتتى.
ەستەرىڭىزگە سالا كەتەيىك، قىزىلوردا قالاسى اكىمدىگى جانە «قىزىلوردا اۆتوبۋس پاركى» ج ش س مۇنداي شارالاردى جىل سايىن ءداستۇرلى تۇردە ۇيىمداستىرىپ كەلەدى.
اۆتور: ەلۋباي اۋەزوۆ
