پولشانىڭ باس كونسۋلدىعى ۆارشاۆاداعى قازاق كوشەسىن كورسەتتى - فوتو

استانا. قازاقپارات - الماتىداعى پولشانىڭ باس كونسۋلدىعى ءوزىنىڭ فەيسبۋكتاعى پاراقشاسىندا ۆارشاۆاداعى قازاق كوشەسىنىڭ سۋرەتتەرىن جاريا ەتتى، دەپ حابارلايدى قازاقپارات.

«ول پولياك استاناسىنىڭ ەڭ قىمبات ءارى ەڭ سۇلۋ اۋداندارىنىڭ ءبىرى ۆيلانوۆتا ورنالاسقان. قازاق كوشەسىنە تاقاۋ جەردە ۆارشاۆانىڭ ەڭ ۇلكەن كورىكتى جەرى كورول يان III سوبەسسكيدىڭ بۇرىنعى جازعى رەزيدەنسياسى ۆيليانۋۆسكي سارايى ورنالاسقان»، - دەلىنگەن حابارلامادا.

ەستەرىڭىزگە سالا كەتسەك، ۆارشاۆاداعى ەڭ قىمبات اۋدانداردىڭ بىرىندەگى كوشەگە قازاق اتاۋى 2006 -جىلدىڭ شىلدە ايىندا بەرىلگەن بولاتىن. پولياك ەلورداسى بيلىگىنىڭ پايىمىنشا، قازاق كوشەسى بۇل ۆارشاۆانىڭ قازاقستان استاناسىنا دەگەن نىشاندىق سىيى، سونىمەن قاتار جەر اۋدارىلعان پولياكتارعا كومەك بەرىپ، قامقورلىق تانىتقان قازاق حالقىنا دەگەن العىس. ايتا كەتەرلىگى، قازاق اتاۋى بەرىلگەن كوشەلەر رەسەيدىڭ ۆولگوگراد، ورىنبور، دونداعى روستوۆ، قازان، پەرم قالالارىندا، سونداي-اق تۇركيا، تاجىكستان ەلدەرىندە دە بار.







اۆتور: مارلان جيەمباي