ديماش قۇدايبەرگەن: ءار نازىك جاندىلار - سۇيىكتىسىنىڭ نازارىندا بولۋعا لايىقتى

استانا. قازاقپارات - قىتايداعى حۋنان تەلەارناسىنىڭ «Singer 2017» ءان بايقاۋىنا قاتىسىپ جاتقان ءانشى ديماش قۇدايبەرگەن ءوزىنىڭ ينستاگرامداعى پاراقشاسى ارقىلى بارشا ايەل قاۋىمىن 8 -ناۋرىز حالىقارالىق ايەلدەر كۇنى مەرەكەسىمەن قۇتتىقتادى، دەپ جازادى قازاقپارات.

«قۇرمەتتى، اسىل جاندى انالار، اق جاۋلىقتى اجەلەر، اقىلى مول اپالار، قىلىقتى قارىنداستار! كوكتەم كەلگەن كەزدە كوڭىلىمىزدى جادىراتىن نازىك جاندىلاردىڭ مەرەكەسى قاتار كەلەدى. ءار ايەل - باقىتتى بولۋعا لايىقتى! ءار نازىك جاندىلار - سۇيىكتىسىنىڭ نازارىندا بولۋعا لايىقتى! بارشاڭىزدى حالىقارالىق ارۋلار مەرەكەسىمەن قۇتتىقتاي وتىرىپ، دەندەرىڭىزگە ساۋلىق، كوتەرىڭكى كوڭىل- كۇي تىلەيمىن! بۇگىنگى قىز - ەرتەڭگى انا، ال الەمدى تەك سىزدەر عانا تەربەتە الاسىزدار! مەرەكەلەرىڭىزبەن!!! قۇشاقتادىم بارشاڭىزدى!»، - دەپ جازدى ءانشى.

اۆتور: مارلان جيەمباي