ءۇندىستاندا عالامتوردا جىر بولعان سەمىز پوليتسەيگە تەگىن وتا جاسالدى
ەر كىسى ەمدەۋ شارالارى اياقتالعاننان كەيىن ءوزىنىڭ ساتتىلىگىنە «كىنالى» بولعان تانىمال ءۇندى جازۋشىسى شوبحۋ دەگە سىرتتاي العىسىن ايتتى. ءدال وسى جازۋشى اقپان ايىنىڭ سوڭىندا ءوزىنىڭ تۋيتتەردەگى پاراقشاسىنا جەرگىلىكتى سايلاۋ ناۋقانىندا پوليتسيانىڭ قاۋىپسىزدىكتى «كۇشەيتكەنىن» جازىپ، ءتارتىپ ساقشىسىنىڭ سۋرەتىن جاريالاعان ەدى.
وسى جازبا قولدانۋشىلاردىڭ اراسىندا قىزۋ تالقىلانىپ، ونى 16 مىڭ ادام ۇناتقان. كوپتەگەن قولدانۋشىلار جازۋشىعا كىنا تاققانىمەن، وسى كەلتە جازبا (تۋيت) ارقىلى پوليتسەي تانىمال بولىپ كەتتى. ءۇندىستاندىق ب ا ق- تا وسى تاقىرىپتا كەلەمەج سۋرەتتەر تارالا باستادى. جازبانىڭ «جىرى» مۋمبايداعى اۋرۋحاناعا دا جەتكەن. سودان سوڭ داۋلاترام دجوگاۆاتقا تەگىن وتا جاساۋ تۋرالى ۇسىنىس كەلىپ ءتۇستى. ەر كىسىنىڭ سالماعى بۇعان دەيىن 180 كەلى بولعان. دارىگەرلەردىڭ ايتۋىنشا، وتادان كەيىن ونىڭ 80 كەلىگە دەيىن سالماق تاستاۋعا مۇمكىندىگى بار.
