نۇرسۇلتان نازاربايەۆ قىزدارعا بولاشاق جار تاڭداۋدا كەڭەس بەردى
«وتباسى ينستيتۋتىن نىعايتۋ قاجەت ەتىلەدى. بۇل تەك بىزدەگى عانا ەمەس بۇكىل الەمدەگى پروبلەما. ءتىپتى ەۋروپانىڭ وزىندە ءاربىر ەكىنشى، ال قازىرگى زامانعى قازاقستاندا ءاربىر ءۇشىنشى نەكە بۇزىلادى. اجىراسۋلاردىڭ 45 پايىزىنا جۇبايلاردىڭ جاۋاپكەرشىلىككە دايىن بولماۋى سەبەپ. شىعىس بيلەۋشىلەرى كەزىندە لايىقتى وتباسى قۇرۋ سالتاناتتى ساراي سالۋدان دا قيىن دەپ ايتقان ەكەن. بۇل قۇرىلىس ەشقاشان تاۋسىلماق ەمەس جانە ەكى تاراپقا دا بايلانىستى»، - دەدى نۇرسۇلتان نازاربايەۆ.
مەملەكەت باسشىسى كۇيەۋىنىڭ دە، ايەلىنىڭ دە جاۋاپكەرشىلىگى زور بولۋ تيىستىگىن، بۇل ءۇشىن ولار وعان دايىن بولۋى قاجەتتىگىن باسا ايتتى. سونىمەن قاتار ەلباسى قىزدارعا ەر- ازاماتتاردىڭ قانداي سوزدەرىنە قۇلاق ءتۇرۋ كەرەكتىگىنە كەڭەس بەردى.
«سەنىمەن قوسىلىپ، بۇل ءومىردىڭ بارلىق قيىندىقتارىن بىرگە وتەمىن دەيتىندەردىڭ سوزدەرىن بايىپپەن قابىلداۋ قاجەت. سەنىڭ شاشىڭ ادەمى دەگەندەرگە ەمەس. وتە تانىمال اكتريسا فاينا رانيەۆسكايا: «قالاي دەسەك تە ءبىز ەركەكتەردەن اقىلدىمىز. ءبىز ەركەكتەردى اياعىنا قاراپ تاڭدامايمىز»، دەگەن ەكەن»، - دەدى ق ر پرەزيدەنتى.
اۆتور: مارلان جيەمباي
