تولقىن قابىلشا ەلباسىعا جىر ارنادى
دەپ حابارلايدى قازاقپارات.
«ءوزىڭىز الاشتىڭ اناسىنا بالاعان سىر ولكەسىنىڭ، قاسيەتتى قىزىلوردا حالقىنىڭ ىستىق سالەمىن الا كەلدىم. بۇگىنگىدەي شۋاقتى مەرەكەدە جۇزدەسۋ، ديدار- عانيبەت بولۋ ءبىز ءۇشىن ايرىقشا مارتەبە، زور قۋانىش دەپ بىلەمىن. رۇقسات ەتسەڭىز، اقىنعا قارا سوزدەن ولەڭ وڭاي دەيدى. بۇگىنگى اياۋلى مەرەكەدە جۇرەكجاردى جىرىمدى وقىپ بەرسەم:
جان بولىپ ءوستىم يبالى، جەتەلەپ يگى وي- ارمان.
وتاننىڭ سۇلۋ ديدارى، نۇرىنا تاڭنىڭ بويالعان.
ەركە ءوستىم ەركىن ەلدە مەن، ايالاپ ازاتتىعىمدى.
پاش ەتتىم بارلىق جەرگە مەن، جاسامپاز قازاقتىعىمدى.
انا بوپ جانە ءتىل قاتتىم، ءسابيدىڭ داۋسىن ەستىگەن.
بولاشاعىمىز دا ءۇن قاتتى، ۋىلدەپ اعاش بەسىكتەن.
وتاننىڭ ماڭگى تۇعىرى، تاۋ- تاسى، كولى ورمانى.
بالانىڭ بەيبىت عۇمىرى، انانىڭ اسىل ارمانى.
ارماندى سول ءبىر تىلەدىم، اقيقات قىلعان جولداسىن.
قازاقتىڭ ءاربىر جۇرەگىن، تاۋەلسىز قىلعان ەلباسىم.
الىپ تا تۋار انادان، ءتامسىلدى وسى ويعا الدىم.
ەلباسىن تۋعان دارا ادام، انادان ءسىزدىڭ اينالدىم.
وتاندى ۇلى بايتاعىم، كوركەيتكەن سىزگە ارىسىم.
ءيىلىپ راحمەت ايتامىن، ۇرپاعىم ءۇشىن، ءبارى ءۇشىن»، - دەدى اقىن.
«اقىن قىزدارىمىزدىڭ جولىمەن ءجۇرىپ كەلە جاتىرسىڭ. تابىستى بول، ءارۋاقىتتا وركەنىڭ ءوسسىن! شابىتىڭ تاسي بەرسىن!»، - دەپ تىلەگىن ءبىلدىردى ءوز كەزەگىندە نۇرسۇلتان نازاربايەۆ تولقىن قابىلشاعا.
اۆتور: مارلان جيەمباي
