پرەمەر- مينيستر: ەۋرازيالىق ەكونوميكالىق وداق اياسىندا كەدەرگىلەر مەن شەكتەۋلەردى جويۋعا باعىتتالعان جول كارتاسى ازىرلەنەدى

استانا. قازاقپارات - ەۋرازيالىق ەكونوميكالىق وداق اياسىندا كەدەرگىلەر مەن شەكتەۋلەردى جويۋعا باعىتتالعان جول كارتاسى ازىرلەنەدى. بۇگىن بىشكەكتە ق ر پرەمەر- ءمينيسترى باقىتجان ساعىنتايەۆ ەۋرازيالىق ۇكىمەتارالىق كەڭەستىڭ كەڭەيتىلگەن قۇرامداعى وتىرىسىندا سويلەگەن سوزىندە وسىلاي ءمالىم ەتتى،

 دەپ حابارلايدى قازاقپارات pm.kz سايتىنا سىلتەمە جاساپ.

 ءسوز بارىسىندا قازاقستان ۇكىمەتىنىڭ باسشىسى ەۋرازيالىق ەكونوميكالىق وداقتىڭ ەكى جىلدان استام ۋاقىتتا ءتيىمدى ينتەگراتسيالىق بىرلەستىك رەتىندە ورنىققانىن اتاپ ءوتتى.

 «دەگەنمەن بۇل جىلدار ءبىزدىڭ ەلدەرىمىز ءۇشىن وڭاي بولعان جوق. سىرتقى قوزعاۋشى كۇشتەردىڭ ىقپالى، جاھاندىق قارجىلىق جانە تاۋار نارىقتارىنىڭ تۇراقسىزدىعى بايقالدى. وسىعان وراي، وداقتىڭ ج ءى ءو كولەمى 0,7  پايىزعا تومەندەدى. ءبىزدىڭ ءوزارا ساۋدا اينالىمىمىز 11 پايىزعا ازايدى. وسىنداي كەزەڭدە ءوزارا ءىس- قيمىلدى نىعايتۋ، ەلدەر اراسىنداعى ساۋدانى دامىتۋدىڭ جاڭا ءتيىمدى قۇرالدارىن قالىپتىستىرۋ بويىنشا ورتاق كۇش- جىگەردى شوعىرلاندىرۋ ماڭىزدى»، - دەپ اتاپ ءوتتى ب. ساعىنتايەۆ.

 ۇكىمەت باسشىسىنىڭ ايتۋىنشا، بۇل باعىتتاعى ماڭىزدى ماسەلە كەدەرگىلەر مەن شەكتەۋلەردى جويۋ بولىپ تابىلادى.

«بۇل جۇمىستى جۇيەلى ءارى كەزەڭ- كەزەڭىمەن جۇرگىزگەن ءجون. اتالعان باعىتتا مەملەكەتتەردىڭ ساراپشىلارى مەن كوميسسيا ەداۋىر جۇمىستار اتقاردى. 60-تان استام كەدەرگىلەر مەن شەكتەۋلەردىڭ ءتىزىلىمى ۇيلەستىرىلدى. الداعى ۋاقىتتا ولاردى جويۋعا بايلانىستى جول كارتالارى ازىرلەنەتىن بولادى. بۇل ءبىزدىڭ كاسىپورىندارىمىزعا ورتاق نارىقتارعا شىعۋ جولىن جەڭىلدەتىپ، سونىمەن قاتار ولاردىڭ دامۋىنا قوسىمشا جاعدايلار جاسايدى»، - دەدى قازاقستان ۇكىمەتىنىڭ باسشىسى.

قازاقستاننىڭ ۇكىمەت باسشىسى ءوز سوزىندە ەۋرازيالىق ەكونوميكالىق وداققا مۇشە ەلدەر اراسىنداعى ساۋدا قارىم- قاتىناستى دامىتۋ ءۇشىن جاڭا ءتيىمدى قۇرالداردى قالىپتاستىرىپ، ءوزارا ارەكەتتەستىكتى نىعايتۋدىڭ ماڭىزدىلىعىن اتاپ ءوتتى.

«وسى سالاداعى باستى باعىتتاردىڭ ءبىرى - كەدەرگىلەر مەن شەكتەۋلەردى الىپ تاستاۋ ماسەلەلەرى بولىپ تابىلادى. بۇل جۇمىستى جۇيەلى تۇردە جانە كەزەڭ- كەزەڭىمەن جۇزەگە اسىرۋ قاجەت»، - دەدى ق ر پرەمەر- ءمينيسترى باقىتجان ساعىنتايەۆ.

پرەمەر- ءمينيستردىڭ پىكىرىنشە، وداقتاعى ءوزارا ءىس- قيمىل جاساسۋدى نىعايتۋداعى تاعى ءبىر ەلەمەنت - ءبىزدىڭ مەملەكەتىمىزدەگى وندىرۋشىلەر مەن كاسىپكەرلەرىنە ايىرىقشا جاعداي جاساۋ ماسەلەسى بولىپ تابىلادى.

 «ە ا ە و كاسىپكەرلەرى ينتەگراتسيادان، قۇرىلعان جالپى نارىقتان وڭ اسەرلەر كۇتۋدە. سوندىقتان، ءبىز كاسىپكەرلىك ءۇشىن «ويىننىڭ جالپى ەرەجەسى» دەپ اتالاتىن ورتاق رەتتەۋدى جۇزەگە اسىرۋعا كەلىسكەن سالالاردا ساپالى، ءتيىمدى ءارى اۋىرلىق تۇسىرمەيتىن رەتتەۋدىڭ تاجىريبەسىنە قول جەتكىزۋىمىز كەرەك»، - دەپ اتاپ ءوتتى ب. ساعىنتايەۆ.

ەۇاو وتىرىسى بارىسىندا ەاەو- نىڭ ينتەگراتسيالىق ۇدەرىستەرىن ارى قاراي دامىتۋعا باعىتتالعان ءبىرقاتار وزەكتى ماسەلەلەر تالقىلاندى. ساۋدا- ەكونوميكالىق ىنتىماقتاستىق پەن ەاەو- نىڭ مۇشە ەلدەرى اراسىنداعى ساۋدا- ساتتىقتى كەڭەيتۋگە، اگروونەركاسىپتىك كەشەن مەن اۋىلشارۋاشىلىق ماشينا جاساۋ سالالارىن دامىتۋعا باسا نازار اۋدارىلدى.

 اۆتور: قانات مامەتقازى ۇلى