قاراقات ءابىلدينا: مامىر ايىندا بەسىنشى بالامدى دۇنيەگە اكەلەم

استانا. قازاقپارات - بۇگىن پرەزيدەنت نۇرسۇلتان نازاربايەۆ اتىنداعى كىتاپحانادا جاستارمەن كەزدەسكەن ءانشى، قازاقستاننىڭ ەڭبەك سىڭىرگەن قايراتكەرى قاراقات ءابىلدينا جاستاردىڭ سۇراعىنا جاۋاپ بەرە كەلە، مامىر ايىندا بەسىنشى بالاسىن دۇنيەگە اكەلەتىنىن ايتتى،

 دەپ حابارلايدى قازاقاپارات.

 «مەنىڭ انام 16 قۇرساق كوتەرگەن. كوزىمىز ءتىرىمىز از قالدىق. دەگەنمەن، كوپبالالى وتباسىندا اۋىلدا ءوستىم. انام وتە قاراپايىم جان، ەر ازاماتىنىڭ جاعدايىن جاساپ، ءۇيدىڭ بەرەكەسىن كەلتىرىپ وتىرعان. انام ءومىر بويى قىزمەت ىستەمەسە دە، ەرىنىڭ قاس قاباعىنا قاراپ، بالا- شاعاسىن باعىپ- قاقتى. اكەم ەل باسقارعان ابىرويلى ازامات بولدى. التىن تويلارىنا جەتپەي قالىپ، ون جىل بۇرىن دۇنيەدەن وزدى. قازىر نەمەرەسى مەن شوبەرەسىنىڭ سانىنان شاتاستىق. قۇدايعا شۇكىر، بارمىز»، - دەگەن قاراقات وتباسىنداعى 16 بالانىڭ ىشىندە ءوزى كوپبالالى انا اتانىپ وتىرعانىن ايتتى.

«سول بالالاردىڭ ىشىندە بالاسى كوبى - مەنمىن. اعالارىم مەن اپايلارىم ءبىر، ەكى، ءۇش بالامەن شەكتەلدى. مەنەن كەيىن ءبىر ءسىڭىلىم بار، ونىڭ ءتورت بالاسى بار. ال، مەنىڭ قازىر كوكتەمدە جاقسى جاڭالىق كۇتىپ وتىرعان جاعدايىم بار. جوعالتقانىمدى ىزدەپ ءجۇرمىن، ءتورت ۇلىم بارىن بىلەسىزدەر، سوندىقتان جاقسى جاڭالىق كۇتىپ وتىرمىن، جاقسى نيەتتەمىن»، - دەدى ءانشى.

اۆتور: كەنجەكەي توقتامۇرات قىزى