قازاقستاندىق اكتەر «سپورتتىق وسكار» يەگەرى اتاندى - فوتو

استانا. قازاقپارات - قازاقستاندىق اكتەر ءارى پروديۋسەر ارمان اسەنوۆ «سپورتتىق وسكار» ستاتۋەتكاسىنىڭ ءتورتىنشى يەگەرى.

ارمان بۇل ماراپاتتى «امانات» كارتيناسى ءۇشىن العان. 2016 -جىلى فيلم «شەتەل تىلىندەگى ەڭ ۇزدىك ويىن فيلمى» دەگەن نوميناتسيا بويىنشا «وسكاردىڭ» لونگ-پاراعىنا ىلىككەن.

الايدا سوڭعى سىنعا وتپەي قالادى. ءبىراق كورسەتىلىمگە كەلگەن حالىقارالىق جەكپە-جەك ونەرى اكادەمياسىنىڭ مۇشەلەرى پروديۋسەرگە قىزىعۋشىلىق تانىتادى.

ارماننىڭ ءوزى ماراپاتىن الۋعا انلانتيك- سيتيگە بارا المايدى. سەبەبى ول كەزدە ۋنيۆەرسيادا-2017 ويىندارىنىڭ تەحنيكالىق ديرەكتور قىزمەتىندە ەدى. ماراپاتىن امەريكا ۋنيۆەرسيتەتتەرىنىڭ بىرىندە وقىپ جۇرگەن قىزى اريەل (سۋرەتتە) الادى.

 

ارمان اسەنوۆ - قازاقستاندىق اكتەر، پروديۋسەر. قازاقستاننىڭ ەڭبەك سىڭىرگەن قايراتكەرى. قازاقستان جاستار وداعى سىيلىعىنىڭ لاۋرەاتى. كينو سالاسىنا كەزدەيسوق كەلگەن. العاش رەت ۆيكتور پۋسۋرمانوۆتىڭ «قايسار» فيلمىندە باستى ءرولدى سومداعان. اتالمىش فيلم 1991 -جىلى اشحابادتا وتكەن بالالار جانە جاسوسپىرىمدەر فەستيۆالىندە گران- پري جۇلدەسىن يەلەندى.

 2005 -جىلدان بەرى پروديۋسەرلىك قىرىنان تانىلىپ ءجۇر.

 

ارمانعا دەيىن اتالمىش ماراپاتتى ءۇش قازاقستاندىق ازامات العان بولاتىن. 2012 -جىلى داۋرەن مۇسا، 2013 -جىلى جايداربەك كۋنگۋجينوۆ پەن تالعات ەرمەگيايەۆ ەنشىلەدى.

 

دەرەككوز: رەاكتور