ءۇندىستاندىقتار پاۆلوداردا جاڭا وبلىستىق اۋرۋحانا سالىپ بەرمەك
بۇل تۋرالى وڭىرلىك كوممۋنيكاتسيالار قىزمەتىندە «2016 -جىلى قازاقستاننىڭ 2016-2020 -جىلدارعا ارنالعان دەنساۋلىق ساقتاۋدى دامىتۋدىڭ مەملەكەتتىك باعدارلاماسىن جۇزەگە اسىرۋ» تاقىرىبىندا وتكەن باسپا ءسوز كونفەرەنسياسى بارىسىندا وبلىستىق دەنساۋلىق ساقتاۋ باسقارماسى باسشىسىنىڭ م. ا. نۇرلان ورازالين ءمالىم ەتتى.
«ايماق باسشىسى ينۆەستيتسيالىق جوبانى جۇزەگە اسىرۋ ماقساتىندا ءۇندىستان ەلىنىڭ وكىلدەرىمەن كەزدەسكەن بولاتىن. قازىرگى تاڭدا نىساننىڭ قۇرىلىسىنا جەر تەلىمىن ءبولۋ ماسەلەسى قاراستىرىلۋدا. شەتەلدىكتەر ءبىزدىڭ وڭىردە مەديتسينالىق مەكەمە سالۋعا نيەت ءبىلدىرىپ وتىر. سايكەسىنشە، ءوز قۇرال- جابدىقتارى مەن ماماندارىن ۇسىناتىن بولادى. وبلىستىق اۋرۋحانانىڭ توزىعى جەتكەنى بەلگىلى. سوندىقتان شامامەن 500 ورىندىق ستاتسيونار بوي كوتەرەدى»، - دەيدى نۇرلان ورازالين.
مەملەكەتتىك جەكە مەنشىك سەرىكتەستىك جوباسى ناتيجەسىندە ەكىباستۇزدا ينسۋلت ورتالىعى جانە پاۆلوداردا № 1 -قالالىق اۋرۋحانا كومپيۋتەرلىك توموگرافيامەن جابدىقتالادى. سونداي-اق، كەنجەكول جانە پاۆلودارسكوە اۋىلدارىندا سالىناتىن دارىگەرلىك امبۋلاتوريالاردى ينۆەستيتسيالىق جوبالار بويىنشا سەنىمگەرلىك باسقارۋعا تاپسىرۋ ۇسىنىلادى.
ەسكە سالا كەتەيىك، مەملەكەتتىك جەكە مەنشىك سەرىكتەستىك اياسىندا «Shapoorji Pallonjى» ءۇندى كومپانياسىمەن قۇنى 50 ميلليارد تەڭگە تۇراتىن 500 ورىندىق اۋرۋحانانىڭ قۇرىلىسى بويىنشا مەموراندۋمعا قول قويىلعان.
