ليۆيانىڭ ۇلتتىق اسكەرى ازات ەتۋ وپەراتسياسىن باستاپ كەتتى

استانا. قازاقپارات -  ليۆيانىڭ ۇلتتىق اسكەرى سودىرلار باسىپ العان مۇناي تەرمينالدارىن ازات ەتۋ وپەراتسياسىن باستاپ كەتتى. قازىر ەلدىڭ شىعىسىندا قارۋلى قاقتىعىس ءجۇرىپ جاتىر.

وتكەن اپتادا «بەنگازي قورعانىسى بريگادالارى» اتتى ۇيىم جەندەتتەرى وڭىردەگى ەكى مۇناي تەرمينالىنا شابۋىل جاساعان بولاتىن. وعان مىڭعا جۋىق سودىر قاتىسقان. نىساندارعا زاقىم كەلتىرمەۋ ءۇشىن اسكەريلەرگە كەرى شەگىنۋگە تۋرا كەلدى.

ايتا كەتكەن ءجون، 2011 -جىلى ليۆيا كوسەمى مۋاممار كاددافي تاقتان تايدىرىلعاننان كەيىن ورتالىق بيلىك قۇرۋ مۇمكىن بولمادى. قازىر ەل استاناسى تريپوليدى بىرىككەن ۇلتتار ۇيىمىمىمەن زاڭدى بيلىك دەپ تانىلعان ۇلتتىق بىرلىك ۇكىمەتى باقىلاپ وتىر. ال، مەملەكەتتىڭ شىعىسىندا ليۆيا ۇلتتىق اسكەرىنىڭ ىقپالى ءجۇرىپ تۇر.

www.24.kz