20:37, 06 - ناۋرىز 2017 | GMT +5
مالايزيادا ءۇش جىل بۇرىن جوعالعان ۇشاق قۇرباندارىن ىزدەۋ باستالادى
استانا. قازاقپارات - مالايزيادا بۇدان 3 جىل بۇرىن ۇشتى- كۇيلى جوعالىپ كەتكەن MH 370 رەيسى قۇرباندارىنىڭ تۋعان- تۋىستارى ۇشاقتى ىزدەستىرۋدى وزدەرى قولعا الماقشى.
اپاتتان وپات بولعان جولاۋشىلاردىڭ جاقىندارى وسى ماقساتتا 15 ميلليون دوللار جيناۋعا كىرىستى. الايدا الدىمەن ەل بيلىگىنىڭ قانداي قام- قارەكەت جاسايتىنىنا كوزىن جەتكىزىپ الماق.
جۇمباق اپات 2014 -جىلى 8 -ناۋرىزدا بولعان ەدى. كۋالا- لۋمپۋردان پەكينگە باعىت العان «بوينگ 777» ۇشاعى راداردان جوعالىپ كەتىپ، سودان بەرى مالايزيا، قىتاي مەن اۆستراليا ەلدەرى ىندەتىپ ىزدەۋدەن تۇك شىقپاعان سوڭ، قاڭتار ايىندا شارانى دوعاراتىنىن مالىمدەدى. ال ۇشاق بورتىندا 227 جولاۋشى مەن 12 ەكيپاج مۇشەسى بولعان.
www.24.kz
