زامبيادا كەدەيلەرگە ازىق- تۇلىك تاراتۋ كەزىندە سەگىز ادام قازا تاپتى
استانا. قازاقپارات - زامبيا استاناسى لۋساكەدەگى سپورت كەشەنىنىڭ كىرەبەرىسىندە جارلىلارعا ازىق- تۇلىك تاراتۋ بارىسىندا ورىن العان كەپتەلىستەن كەم دەگەندە سەگىز ادام قازا تاپتى، دەپ حابارلايدى رەيتەر اگەنتتىگى پوليتسياعا سىلتەمە جاساپ.
پوليتسيانىڭ دەرەگى بويىنشا، 35 مىڭعا جۋىق ادام سپورت كەشەنىنىڭ عيماراتىنا كىرۋگە ارەكەتتەنگەن.
«جينالعان حالىقتى تاراتتىق، وسى ماسەلە بويىنشا تەرگەۋ جۇمىستارى باستالدى»، - دەلىنگەن قۇقىق قورعاۋ ورگاندارىنىڭ مالىمدەمەسىندە. دۇنيەجۇزىلىك بانكتىڭ دەرەگىنە سۇيەنسەك، زامبيا حالقىنىڭ 60 پايىزى كەدەيشىلىكتە ءومىر سۇرۋدە.
