پارلامەنت كونستيتۋتسياعا ەنگىزىلگەن وزگەرتۋلەردى قابىلدادى
«قۇرمەتتى دەپۋتاتتار، قۇرمەتتى شاقىرىلعان قوناقتار سونىمەن ءبىز ەلباسىمىز ن. نازاربايەۆتىڭ ۇسىنىستارىن نەگىزگە الىپ، كونستيتۋتسيامىزعا ەنگىزىلگەن بارلىق وزگەرىستەردى قابىلدادىق. وسى تاريحي شەشىممەن بارشاڭىزدى شىن جۇرەكتەن قۇتتىقتايمىن»، - دەدى ءماجىلىس ءتوراعاسى نۇرلان نىعماتۋلين.
ايتا كەتەرلىگى، وتىرىس بارىسىندا كونستيتۋتسيالىق رەفورما جونىندەگى زاڭ جوباسىن ەكىنشى وقىلىمعا دايىنداۋ جونىندەگى بىرلەسكەن كوميسسيا ءتوراعاسى نۇرلان ءابدىروۆ نەگىزگى بايانداما جاساپ، اتا زاڭىمىزعا ەنگىزىلەتىن وزگەرىستەر مەن تولىقتىرۋلار ءماجىلىس پەن سەناتتىڭ تۇراقتى كوميتەتتەرىندە، ساياسي پارتيالاردىڭ فراكتسيالارىندا تالقىلانىپ، بارلىق ۇسىنىستار بىرلەسكەن كوميسسياعا بەرىلگەندىگىن اتاپ ءوتتى جانە ولاردى جاريا ەتكەن بولاتىن.
«قازاقستان رەسپۋبليكاسى كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسى بويىنشا ءبىرىنشى وقىلىم 3 - ناۋرىز كۇنى وتكەن بولاتىن. وتىرىس بارىسىندا ق ر پرەزيدەنتى بايانداما جاسادى. نۇرسۇلتان نازاربايەۆ كونستيتۋتسيالىق رەفورمالاردى ەسكەرە وتىرىپ، ۇكىمەت پەن پارلامەنت قانداي جاعدايدا جۇمىس ىستەيتىندىگىن ءتۇسىندىردى.
اۆتور: مارلان جيەمباي
