ءوزى جۇرەتىن اقىلدى شابادان - كەسكىن

استانا. قازاقپارات - تەحنولوگيا بارعان سايىن قارىشتاپ دامىپ جاتىر. ءتىپتى ادام بالاسىنىڭ ويلاماعان دۇنيەسى كوز الدىندا جۇزەگە اسىپ، پايداعا جاراپ تۇر.

 بۇل - مىڭ عاسىرلار بويى قالىپتاسىپ كەلە جاتقان داۋىرلەردىڭ ەڭ اسىلى بولماق. سەبەبى اقىل مەن پاراسات قوسا دامىپ، ادام بالاسى عىلىمعا ءبىرىڭعاي بەت بۇردى. عىلىم سالاسىنداعى عالىمداردىڭ جەتىستىگى مولىنان. دەگەنمەن بۇل جولعى تەحنولوگياداعى جاڭعىرىپ وتىرعان جاڭالىق تىپتەن ەرەكشە.

 ءيا، « ءجۇر» دەگەنگە سوزبەن بولماسا دا، الىستان باسقارۋشى قۇرال نەمەسە قالتا تەلەفونىڭىز ارقىلى ارنايى باعدارلاماعا باعىناتىن شابادان جارىققا شىقتى. الىس ساپارعا بارعان كەزدە قولىڭىزعا جانە دەنەگىڭىزگە اۋىرلىق تۋعىزاتىن قولدوربا ەندى سىزگە باعىنىشتى تۇردە جۇمىس جاسايدى. ونى كوتەرۋدىڭ نەمەسە سۇيرەۋدىڭ قاجەتى جوق. تەك قانا باتىرمانى باسىپ جۇمىس جاسايسىز. ال اقىلى بار شابادان سىزبەن بىرگە قاي باعىتقا ءجۇرۋ كەرەك بولسا سول باعىتقا قاراي جول الادى.

قۇراستىرۋشىلاردىڭ ايتۋىنشا، «بۇل «ەلەكتروندى شابادان» تەحنيكانىڭ تاعى ءبىر جەتىستىگى. ول وزدىگىنەن قوزعالماسا دا باعدارلاما ارقىلى قوزعالۋ مۇمكىندىگىن الىپ وتىر. سونىمەن قاتار، ەكى ءتۇرلى باعىتتا قوزعالادى: تىك جانە جاتىپ جۇرۋگە ىڭعايلاستىرىلعان. الداعى ۋاقىتتا اتالعان قولدوربا الەمنىڭ تۇكپىر- تۇكىپىرىندە سۇرانىسقا يە بولاتىن بولادى» ، - دەيدى.

 Massaget.kz