الەمدەگى ەڭ قىمبات كولىك ءنومىرى

استانا. قازاقپارات -  جىگىتتەردىڭ كولىك تۇرىنە، تۇسىنە، باعاسىنا جانە ساپاسىنا قىزىعاتىنى تۇسىنىكتى. ولاردى قىزىقتىراتىن تاعى ءبىر نارسە - كولىكتىڭ ءنومىرى.

ەلىمىزدە « 888» ، « 777» ، « 011» سىندى ءتۇرلى قىمبات باعالى نومىرلەردى كەزدەستىرۋگە بولادى. بۇل نومىرلەر كولىكتىڭ قۇنىمەن پارا- پار بولۋى دا مۇمكىن. سوندىقتان بولار قىمبات ماركالى ءنومىردى كولىككە تاعىپ ءجۇرۋ سانگە اينالعان. قالتاسى كوتەرسە ءاربىر ازاماتتىڭ ءوز ەركىندەگى دۇنيە ەكەنىن ەسكەرسەك، الەمدەگى ەڭ قىمبات كولىك ءنومىرى ءسىز ويلاعاننان دا قىمبات بولىپ شىعارى انىق. بىرىككەن اراب امىرلىگىنىڭ تۇرعىنى الەمدەگى رەكوردتىق باعانى ورناتتى. ول قۇنى 14 ميلليون دوللار تۇراتىن كولىك ءنومىرىن ساتىپ الدى. ال كولىكتىڭ ءنومىرى - ەشقانداي كەسكىنسىز جاي عانا « 1» . ءابۋ- دابيدە وتكەن كورمە كەزىندە اراب كاسىپكەرى سايد ءابدۋل گاففار حوەري « 1» سانى بەلگىلەنگەن كولىك نومىرىنە 14 ميلليون دوللار ۇسىنىپ، الەمدى تاڭ قالدىردى. سەبەبى بۇل ءنومىردىڭ العاشقى قۇنى - 27 مىڭ دوللارعا تەڭ بولعان. اتالعان ءنومىر گيننەسس رەكوردتار كىتابىنا كىرىپ ۇلگەرگەن. 14 ميلليون دوللار تولەنىسىمەن جاڭادان سالىنىپ جاتقان مەديتسينالىق ورتالىققا اۋدارىلعان.

 ءنومىردىڭ قىمبات بولۋىنا بىردەن- ءبىر سەبەپ، ول ماڭگىلىك يەسىنە تاۋەلدى. كولىك ساتىپ العان كەزدە باسقا نومىرگە اۋىستىرۋدىڭ قاجەتى جوق. وسى ءنومىر جاراپ تۇر. بۇل ءنومىر ءبىر جانۇيانىڭ مۇراگەرلىك ءنومىرى دە بولا الادى. اتادان بالاعا قالدىرۋعا رۇقسات بەرىلگەن. الەمدەگى ەڭ قىمبات كولىك ءنومىرىن ساتىپ العان اراب كاسىپكەرى بۇل باعا ءۇشىن وكىنبەيتىنىن ايتادى. اراعا ەكى جىل سالىپ بۇل ءنومىردىڭ قۇنى ەكى ەسەگە وسەدى دەپ سەنەدى. ايتا كەتۋ كەرەك، سايد ابدۋل گاففار حوەري وسىعان دەيىن دە الەمدەگى ەڭ قىمبات كولىك نومىرلەرىن الۋشى رەتىندە تانىلعان. قازىر ونىڭ قولىندا الەمدەگى ەڭ قىمبات ءۇشى كولىك ءنومىرى بار: « 1» ، « 5» ، « 7» . اتالعان نومىرلەر 10 ميلليون مەن 14 ميلليون دوللار اراسىنداعى قۇندى ۇستاپ تۇر.

Massaget.kz