13:12, 06 - ناۋرىز 2017 | GMT +5
اشا ماتاي كليپىنە وزگە ۇلتتىڭ قىزدارىن تۇسىرگەن تورەعاليدى سىناپ تاستادى
استانا. قازاقپارات- ءبىر انگە ەكى بەينەبايان تۇسىرگەن تورەعاليدىڭ باسى داۋعا قالدى. كوپشىلىك ءانشىنىڭ «ءبىرتۇرلى قىزعا» بولا نە سەبەپتى ەكى رەت شاشىلعانىن تۇسىنبەي دال. وعان قوسا، ءانشىنىڭ بەينەكليپتەگى وبرازىن سىناپ جاتقاندار جەتەرلىك. ال اشا ماتاي تورەشتىڭ بەينەبايانىنا وزگە ۇلت قىزدارىنىڭ تۇسكەنىنە وكپەلى.
بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.
«بەينەبايانعا قازاق ەمەس، وزگە ۇلت قىزدارىنىڭ تۇسكەنى ويىما قونبادى، ۇنامادى»، دەگەن اشا تورەشكە دەگەن ءوتىنىشىن بىلاي جەتكىزدى:
«قىمباتتى، تورەعالي مىرزا! ءسىز بەينەكليپىڭىزگە قازاق قىزدارىن تۇسىرسەڭىز نۇر ۇستىنە نۇر بولار ەدى».
بۇل رەتتە اشانىڭ ومىرلىك سەرىگى ارمان دا ءوز ويىن ءبىلدىردى.
«ءبىرتۇرلى قىز» بولعاندىقتان، ەكىتۇرلى كليپ تۇسىرگەن شىعار. نەگىزى ناعىز حيت بولسا، 10 كليپ تۇسىرۋگە دە ايامايسىڭ»، - دەيدى ول.
