استانا قالاسىنىڭ اتاۋى وزگەرتىلمەيتىن بولدى
«بىزگە استانانىڭ اتاۋىن وزگەرتۋ تۋرالى دەپۋتاتتار تارابىنان جازباشا ءوتىنىش تۇسكەن جوق»، - دەدى پارلامەنت پالاتالارىنىڭ بىرلەسكەن وتىرىسىنان كەيىن ءماجىلىس دەپۋتاتى نۇرلان ءابدىروۆ.
ايتا كەتەيىك، بۇگىن پارلامەنت پالاتالارىنىڭ بىرلەسكەن وتىرىسىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى ەكىنشى وقىلىمدا قابىلداندى. ەسكە سالساق، اتالمىش زاڭ جوباسىنىڭ ءبىرىنشى وقىلىمى بارىسىندا دەپۋتاتتار ەلىمىزدىڭ باس قالاسى استانانى پرەزيدەنت نۇرسۇلتان نازاربايەۆتىڭ قۇرمەتىنە اتاۋ تۋرالى ۇسىنىستى قايتا كوتەردى.
«مەن 2008 -جىلى استانا حالىقارالىق اۋەجايىن تۇڭعىش پرەزيدەنت - ۇلت كوشباسشىسى نۇرسۇلتان نازاربايەۆتىڭ قۇرمەتىنە اتاۋدى ۇسىنعان بولاتىنمىن. اتالمىش ۇسىنىس قوعام اراسىندا قىزۋ تالقىلاندى جانە سول كەزدە ەداۋىر قولداۋعا يە بولدى. سوندىقتان تۇڭعىش پرەزيدەنت ەسىمىن ەلوردا اتاۋىندا جانە ەلىمىزدىڭ وزگە دە نىساندارىندا كورىنىس تابۋى تۋرالى ۇسىنىستار دەر ۋاقىتىندا ايتىلىپ وتىر جانە بۇگىندە وتە وزەكتى»، - دەگەن بولاتىن دارحان كالەتايەۆ ارىپتەسىنىڭ بۇل ۇسىنىسىن دەپۋتات پاۆەل كازانسيەۆ تا قولدادى.
ەلوردانىڭ اتاۋىن وزگەرتۋ تۋرالى ۇسىنىس العاش رەت 2016 -جىلدىڭ قاراشاسىندا ۇسىنىلدى. ءبىراق مەملەكەت باسشىسى وعان ءوزىنىڭ قارسىلىعىن جەتكىزگەن بولاتىن.
اۆتور: مارلان جيەمباي
