ۇشاق ىشىندە بولاشاق جارىنا نەكە ساقيناسىن ۇسىنعان جىگىت تالىپ قالدى - كەسكىن

استانا. قازاقپارات - ا ق ش- تىڭ كاليفورنيا شتاتىندا ەر ادام سۇيىكتىسىنە ۇيلەنۋ تۋرالى ەرەكشە ۇسىنىس جاساعىسى كەلىپ، وسى قادامعا ول جەڭىل موتورلىق ۇشاق جالداپ، اۋەدە ۇسىنىس جاساۋدى جوسپارلاعان.

ۇشاق ىشىندە وقيعا ەستە قالۋى ءۇشىن ول كامەرا ورناتقان. الايدا ول ءوزىنىڭ اۋەدەگى جاعدايىنىڭ قالاي بولاتىنىن بىلمەگەن، - دەپ جازادى Lenta.ru.

ۇشاققا وتىرعان داررەل حەميلتوننىڭ تەڭىز اۋرۋى قوزعان(تەڭسەلۋدەن بولاتىن باس اينالۋ)، ءبىراق ول ءوز جوسپارلاعانىن سوڭىنا دەيىن اپارۋدى كوزدەگەن. ۇشىپ بارا جاتقان ۋاقىتتا ول قوراپشانى اشىپ، بىلاي دەپ سۇراعان: "سەن ماعان تۇرمىسقا شىعاسىڭ با؟". وسى ءسوزدى ايتىپ بولا سالىسىمەن ونىڭ جۇرەگى اينىپ كەتكەن. ونىڭ سۇيگەنى فەي رياننۋ تاڭعالىپ، سوڭىندا قۋانىشپەن كەلىسكەنىن ايتادى. وقيعانىڭ ۆيدەوسى Youtube جەلىسىندە جاريالانعان.