10:06, 06 - ناۋرىز 2017 | GMT +5
الماتىدا ترانسگەندەرگە سوت ۇكىمى شىقتى
استانا. قازاقپارات - الماتىلىق ترانسگەندەر- قىزعا بوپسالاۋ ءىسى بويىنشا، سوت ۇكىمى شىقتى، - دەپ حابارلايدى Tengrinews.kz ءتىلشىسى.
27 جاستاعى ۆيكتوريا بەركحوجايەۆانى ق ر قىلمىستىق كودەكسىنىڭ 194-بابى 4-بولىگى بويىنشا ايىپتى دەپ تانىپ، جەتى جىلعا باس بوستاندىعىنان ايىرۋ جانە مۇلكىن تاركىلەۋ جازاسى كەسىلدى.
سوتتالۋشى كاريمجان بەركحوجايەۆ اسا ءىرى كولەمدە اقشا بوپسالاعان. ءىس بويىنشا ايىپتالۋشى جانە جابىرلەنۋشى رەتىندە جىنىسىن اۋىستىرعان ەكى ەر ادام ءوتىپ جاتىر. الايدا قۇجاتتارعا ساي جابىرلەنۋشى ايەل ادام. وسىعان دەيىن، الماتىدا سوتتالۋشى ترانسگەندەر پوليتسەيلەردىڭ ءوزىن قيناعانىن ايتتى. كاريمجان بەركحوجايەۆ قىلمىستىق ءىس بويىنشا تەرگەۋ بارىسىندا وزىنە زاڭسىز ارەكەتتەردىڭ قولدانعانىن ايتتى. سوت سوتتالۋشىنىڭ شاعىمىن تەكسەرۋدى بۇيىردى.
