شىمكەنت بيلىگى ەسكى قالانى ساۋدا نىساندارىنان تازالاۋعا كىرىستى
«ەسكى قالا» اتالاتىن تاريحي اۋداندا ەجەلگى قامال ورنالاسقان. قالا جۇرتشىلىعى 10 جىلدان بەرى وسى اۋدانداعى قۇرىلىس بازارلارىن (جالپى الاڭى 6,7 گەكتار 103 جەر ۋچاسكەسى) بۇزۋ ماسەلەسىن كوتەرىپ كەلەدى.
«باسقا جەرگە كوشۋگە ازىرلەنىڭىزدەر. بۇل مەملەكەتتىڭ قۇندىلىعىن كورسەتەتىن تاريحي ورىن. «ەسكى قالاداعى» ساۋدانى مۇنداي كۇيدە قالدىرا المايمىز. داعدارىس كەزى ەكەنىن بىلەمىن. ءبىراق ءبىر جولىن قاراستىرىڭىزدار. اۋداندى تازالاۋ جۇمىستارى كوكتەم، جازدا جۇرگىزىلەدى. شەشىمدى ارەكەتكە كوشەتىن ۋاقىت كەلدى، - دەدى شىمكەنت اكىمى عابيدوللا ءابدىراحمانوۆ ساۋدا نىساندارىنىڭ يەلەرىمەن كەزدەسۋ بارىسىندا.
ول كاسىپكەرلەرگە بالاما ۇسىندى. سۇرىلگەن بازارلار نەمەسە ساۋدا ورىندارىنا اقشالاي وتەم اقىعا، مىسالى، بيزنەستى دامىتۋ ءۇشىن بارلىق جاعداي جاسالعان «ورداباسىدان» ورىن الۋعا بولاتىنىن ايتتى. بۇل رەتتە ول جاڭا ورىندى بيزنەسمەندەردىڭ وزدەرى تاڭدايتىنىن دا اتاپ ءوتتى.
