پارلامەنتتىڭ وكىلەتتىگىن كەڭەيتۋ حالىقتىڭ ومىرىنە وڭ ىقپال ەتەدى - سەناتور
بۇل تۋرالى «قازاقپارات» اگەنتتىگىنە پارلامەنت سەناتىنىڭ دەپۋتاتى ۆلاديمير رەدكوكاشين ءمالىم ەتتى.
«ەلباسى ۇسىنىپ وتىرعان رەفورمالار، الدىعا قاراي قارىشتاپ قادام باسۋ - 2050 ستراتەگياسىنا جاقىنداي ءتۇسۋ دەگەندى بىلدىرەدى»، - دەدى رەدكوكاشين.
ول سونداي-اق كونستيتۋتسياعا ەنگىزىلەتىن تۇزەتۋلەردىڭ ءبىر اي بويىنا تۇرعىندارمەن بەلسەندى تالقىلانعاندىعىن جانە وعان بايلانىستى كوپشىلىك تاراپىنان كوپتەگەن ۇسىنىستار ايتىلعاندىعىن جەتكىزدى.
«تۇپتەپ كەلگەندە قازاقستاندىقتار كونستيتۋتسيالىق رەفورمالاردى قولداپ وتىر. جاقىندا عانا ءبىز «ق ر كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭىن جان-جاقتى قاراپ شىقتى. مەن بىزگە، ياعني پارلامەنت وكىلدەرىنە قانداي جاۋاپكەرشىلىك جۇكتەلىپ وتىرعاندىعىن جاقسى سەزىنەمىن. دەگەنمەن پارلامەنتتىڭ وكىلەتتىگىن كەڭەيتۋ مەملەكەتتىك باسقارۋدى ودان ءارى جەتىلدىرۋگە ىقپال ەتىپ، قازاقستان تۇرعىندارىنىڭ ومىرىنە يگى اسەرىن تيگىزەدى دەگەن ويدامىن»، - دەدى سەنات دەپۋتاتى.
