گولوۆكين فاناتتارىنا تەگىن قوناق ءۇي مەن ۇشاق بيلەتىن ۇسىندى

استانا. قازاقپارات - قازاقستاندىق كاسىپقوي بوكسشى گەننادي گولوۆكين جانكۇيەرلەرىن ءوزىنىڭ اتىشۋلى جەكپە- جەگىنە شاقىردى. گولوۆكين فاناتتارىنا جەكپە- جەك الاڭىنان VIP- ورىندار مەن ءوز اتىنان تەگىن اۆيابيلەت پەن قوناق ءۇي ۇسىندى.

 بۇل تۋرالى Stan.kz حابارلايدى.

«سىزدەر مۇنى كورگىلەرىڭىز كەلەدى، وعان سەنىمدىمىن. مەنىڭ 18 - ناۋرىزدا دجەيكوبسپەن وتەتىن كەزدەسۋىمنىڭ قوناعى بولىڭىزدار. مەندە VIP ورىندار مەن جەكپە- جەكتەن كەيىن وتەتىن باسپا ءسوز كونفەرەنسياسىنا ورىن بار. ودان بولەك ءوز اتىمنان اۆيابيلەتتەر مەن قوناق ءۇي ۇسىنامىن»، - دەپ جازدى گولوۆكين ءوزىنىڭ جەلىدەگى پاراقشاسىندا.

ودان كەيىن تانىمال بوكسشى VIP ورىندارعا قول جەتكىزۋ ءۇشىن مىنا سىلتەمەگە كىرۋدى ۇسىندى.

انىقتالعانداي، بيلەتتەر قايىرىمدىلىق اكسياسىنىڭ اياسىندا ويناتىلىپ جاتىر. جينالعان قاراجات UCLA بالالار اۋرۋحاناسىنىڭ شوتىنا اۋدارىلماق.