قورعاس- شىعىس قاقپاسى ۆەتنامنان قازاقستان اۋماعى ارقىلى ەۋروپاعا تاۋار شىعارۋ كوپىرىنە اينالىپ كەلەدى
سونداي- اق ۆەتنام تەمىرجولشىلارى قۇرعاق پورت، لوگيستيكالىق جانە يندۋستريالىق ايماق، مونيتورينگىلىك ورتالىق، جەڭىلدىكتەر مەن پرەفەرەنتسيالار، كولىك لوگيستيكالىق حاب مۇمكىندىگى، التىنكول - قورعاس شەكارالىق وتكەلى جۇمىسىمەن تانىستى.
فان كۋوك ان «قورعاس- شىعىس قاقپاسى» ا ە ا مۇمكىندىگىن، قازاقستان- قىتاي تەمىرجول شەكارالىق وتكەلى جايىن جوعارى باعالاپ «شىعىس ازيا مەن ەۋروپانى جالعايتىن حابتىڭ بولاشاعى زور ەكەندىگىن» اتاپ ءوتتى.
دەلەگاتسيا باسشىسىنىڭ ايتۋىنشا، «ا س ە ا ن ەلدەرىنەن ەۋروپاعا قىتاي، قازاقستان اۋماعى، اسىرەسە قورعاس ارقىلى ترانزيتتىك تاۋارلاردى وتكىزۋدى قالايدى». ۆەتنام ە ە و ەلدەرىمەن ەركىن ساۋدا اينالىمى تۋرالى رەسمي كەلىسىمگە قول قويعان. بۇل ءوز كەزەگىندە تاۋارلاردىڭ شىعىس جانە باتىس ەۋروپا ەلدەرىنەن جەتكىزىلۋىن جەڭىلدەتەدى.
ونىڭ سوزىنە قاراعاندا، بيىلعى جىلدىڭ وزىندە ۆەتنام تاۋارلارى قورعاس ارقىلى قازاقستانعا ودان ءارى ورتالىق ازيا ەلدەرى جانە ەۋروپاعا شىعادى.
«ءبىز قازاقستاندىق استىقتى جانە باسقا دا تاۋارلارىن قۇرلىقپەن تەمىرجول كولىگىمەن ليانيۋنگان پورتىنان تۇسىرمەي- اق، حانويعا جەتكىزۋدى جوسپارلاپ جاتىرمىز. بيىلعى جىلى العاشقى قاناتقاقتى پويىزىن شىعارىپ، ودان كەيىن تۇراقتى جۇرگىزەتىن بولامىز»، - دەيدى فان كۋوك ان.
قازاقستان، قىتاي، ۆەتنام اۋماعىمەن ترانزيتتىك تاسىمالدى دۋندان (ۆ س ر) - پەنسەن (ق ح ر) - دوستىق جانە التىنكول (ق ر) شەكارالىق وتكەلدەرى ارقىلى جىبەرۋدىڭ بولاشاعى زور.
«بىزگە ۆەتنام نارىعى وتە تارتىمدى. كونتەينەرلىك پويىزعا باسىمدىق بەرەمىز. ياعني، جولداۋدا ايتىلعانداي، ترانزيتتىك جانە كونتەينەرلىك تاسىمالدى دامىتۋعا مۇددەلىمىز»، - دەيدى «ق ت ج» ۇ ك» ا ق پرەزيدەنتىنىڭ كەڭەسشىسى امانجول يبراگيموۆ.
اتاپ وتەرلىگى، بيىلعى 20 - اقپاندا حانويدا كومپانيا باسشىسى قانات الپىسبايەۆ ۆەتنام كولىك ءمينيسترى چىونگ كۋانگ نگيا جانە «ۆ ت ج» م ك باس ديرەكتورى ۆۋ تا تۋنگپەن كەزدەسكەن ەدى. تاراپتار كولىك سالاسىنداعى ءوزارا سەرىكتەستىكتى دامىتۋ تۋرالى پىكىر الىسىپ، ەكى ەلدىڭ تەمىرجولدارى اكىمشىلىكتەرى اراسىندا سەرىكتەستىك تۋرالى مەموراندۋمعا قول قويعان بولاتىن.
