قازاقستاندا ونلاين- ساۋدا جاندانىپ كەلەدى
بۇل تۋرالى پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى تولەگەن سارسەمبايەۆ ءمالىم ەتكەن.
«عالامتور ارقىلى تەكسەرۋ جۇرگىزۋدىڭ ناتيجەسىندە ءوز تاۋارلارىن الەۋمەتتىك جەلى ارقىلى ساتىپ جۇرگەن كاسىپكەرلەردى شاقىرىپ الىپ، ءتۇسىندىرۋ جۇمىستارى جۇرگىزىلدى. قازىرگى تاڭدا جالپىعا ورتاق ءتارتىپ بەكىتىلگەن. كەز كەلگەن ادام جەكە كاسىپكەر رەتىندە تىركەلىپ، پاتەنت الۋ كەرەك نەمەسە ارنايى الەۋمەتتىك سالىق رەجيمىندە جۇمىس ىستەي الادى. ولاردىڭ بارلىعىنا ازىرگە ەسكەرتۋ جاسالدى»، - دەيدى تولەگەن سارسەمبايەۆ.
ۆەدومستۆو ۇسىنعان مالىمەتكە سۇيەنسەك، وبلىستىق ءى ءى د جانە جىلجىمايتىن مۇلىك ورتالىعىنىڭ اتسالىسۋىمەن 2015 -جىلى 139 زاڭسىز جالعا بەرۋ فاكتىسى انىقتالعان. سونداي- اق، بۇل جۇمىستى بەلسەندى جۇرگىزۋگە جۋىردا زاڭناماعا ەنگىزىلگەن ۋاقىتشا تىركەۋ سەپتىگىن تيگىزەر دەگەن سەنىم مول.
ايتا كەتەيىك، قازاقستان ت م د ەلدەرى بويىنشا عالامتور ارقىلى ساۋدا جاساۋدان ۇزدىك ۇشتىككە كىرگەن. ساراپشىلاردىڭ پىكىرىنشە، قازاقستاندا داعدارىسقا قاراماستان ونلاين- ساۋدا كولەمى ارى قاراي ارتا بەرمەك.
