مونشانىڭ قانداي پايداسى بار؟

نۇر-سۇلتان. قازاقپارات - «دەنەمىز جەڭىلدەپ، تازارىپ قالادى، دەمالامىز» دەپ، بوس ۋاقىتىن مونشاعا ارنايتىن ارۋلارىمىزدىڭ، قىز- كەلىنشەكتەرىمىزدىڭ قاتارى از ەمەس.

مونشا شىنىندا پايدالى ما؟ بىزگە جوعارىدا ايتىلعان ءلاززاتتى سىيلاي الا ما؟ وندا بارعاندا قانداي ەرەجەلەردى ەستە ۇستاۋ كەرەك؟ بۇگىن وسى جانە وزگە دە سۇراقتارعا جاۋاپ ىزدەپ كورەمىز.

مونشانىڭ پايداسى:

*ايەلدەر ءۇشىن تەرىنىڭ كۇتىمى وتە ماڭىزدى. اسىرەسە بەت تەرىسى. تونالدى كرەم، وپا، رۋميانا تەرى قۋىستارىن بىتەپ تاستايدى. كۇندەلىكتى ءۇي جاعدايىنداعى پروتسەدۋرالار ارقىلى ءبىز تەك بەتتىڭ ۇستىنگى قاباتىن عانا تازارتامىز. ال مونشادا ولار كەڭىنەن اشىلىپ، سول ارقىلى قاجەتسىز نارسەلەر سىرتقا شىعادى.

*بۋ اسەرىنەن اعزا ءوز- ءوزىن تازارتۋعا كىرىسەدى.

*ءبىر سوزبەن ايتقاندا تەرى جۇمساق، نازىك كۇيگە اينالادى.

*تەرى جاقسى تىنىستاپ، جاسارادى.

*مونشانىڭ جۇيكە جۇيەسىنە دە پايداسى مول.

*بۋ جانە سالقىن دۋش قابىلداۋ ارقىلى ارتىق سالماقتان ارىلۋعا بولادى.

قاپەرىڭىزدە ءجۇرسىن:

- ەگەر ناعىز راحاتتى سەزىنگىڭىز كەلسە، مونشاعا اپتاسىنا ءبىر رەت بارىپ تۇرىڭىز؛

- بارلىق قاجەتتى زاتتار وزىڭىزدىكى بولعانى دۇرىس. گيگيەنالىق تالاپتار ءۇشىن.

- بۋ بولمەسىنە كىرمەس بۇرىن دەنەڭىزدى قىزدىرىپ الىڭىز.

- جانە بۋعا كىرەردە باسىڭىزدى مىندەتتى تۇردە وراپ الىڭىز. ول باس پەن شاشتىڭ ساۋلىعى ءۇشىن ماڭىزدى.

- مونشاعا جۇمىس كۇندەرى تاڭەرتەڭگىسىن بارعان ءتيىمدى. ول كەزدەردە ادام از بولادى، بۋ بولمەسىندە جاتۋىڭىزعا دا مۇمكىندىك الاسىز.

- بۋدى ەڭ ءبىرىنشى قابىلداعاندا وندا 5-7 مينۋتتان ارتىق بولماڭىز. ءتىپتى، ءوزىڭىزدى كەرەمەت سەزىنىپ وتىرساڭىز دا. اعزا بىرتە- بىرتە ۇيرەنىسۋى قاجەت.

- مونشادان كەيىن ءشوپ شاي ىشۋگە بولادى. بۇيرەكتەگى، قۋىقتاعى قاجەتسىز نارسەلەردىڭ شىعۋىنا ونىڭ دا كومەگى مول.

- مونشادان كەيىن سالقىن دۋش قابىلداڭىز. ول بۋىندارعا جاقسى اسەر ەتەدى.

- ارتىنشا دەنەڭىزگە جاقپا ماي جاعىپ، بەتىڭىزگە ماسكا جاساۋدىڭ ارتىقشىلىعى كوپ.

- بۋ قابىلداۋ اراسىندا دەنەگە ماسساج جاساڭىز.