دەپۋتاتتار ىشكى ىستەر ءمينيسترىن تاعايىنداۋدى پرەزيدەنتتىڭ قۇزىرەتىندە قالدىرۋدى سۇراپ وتىر
دەپ حابارلايدى قازاقپارات ءتىلشىسى.
«كونستيتۋتسيانىڭ قازىرگى رەداكسياسى بويىنشا قورعانىس، ىشكى ىستەر، ادىلەت جانە سىرتقى ىستەر مينيسترلەرىن پرەزيدەنتتىڭ ءوزى تاعايىندايدى. ال كونستيتۋتسيالىق وزگەرىستەرگە سايكەس، ادىلەت جانە ىشكى ىستەر ءمينيسترىن الىپ تاستاپ، تەك سىرتقى ىستەر مەن قورعانىس مينيسترلەرىن قالدىرۋ ۇسىنىلىپ وتىر. جارايدى، ادىلەت ءمينيسترىن تاعايىنداۋدى مەملەكەت باسشىسىنىڭ قۇزىرەتىنەن شىعارۋعا بولادى. ال ىشكى ىستەر مينيسترلىگىنىڭ قوعامدىق ءتارتىپ پەن ىشكى قاۋىپسىزدىك سياقتى ستراتەگيالىق جۇمىسىن ەسكەرە وتىرىپ، ونى تاعايىنداۋ ماسەلەسىن پرەزيدەنتكە قالدىرۋ قاجەت دەپ سانايمىز»، - دەدى دەپۋتات انار جايىلعانوۆا.
بۇگىنگى كونستيتۋتسيالىق رەفورمالار بويىنشا جۇمىس توبىنىڭ جەتەكشىسى، پرەزيدەنت اكىمشىلىگىنىڭ باسشىسى ادىلبەك جاقسىبەكوۆ اتالعان ماسەلەنىڭ قىزۋ تالقىعا تۇسكەنىن جەتكىزىپ: «شىنىمەن دە، ىشكى ىستەر مينيسترلىگىنىڭ قۇرامىندا ۇلتتىق ۇلان سياقتى اسكەري قۇرىلىم بار. ال پرەزيدەنت قازاقستاننىڭ جوعارعى باس قولباسشىسى بولىپ سانالادى. سوندىقتان بۇل ماسەلەنى ءالى دە قاراستىرۋ قاجەت. ەندى، پرەزيدەنت بۇنى پارلامەنتتىڭ تالقىلاۋىنا شىعارىپ وتىر. وسىعان بايلانىستى بارىڭىزگە كەڭەسىپ، ىشكى ىستەر ءمينيسترىن تاعايىنداۋدى پرەزيدەنتتىڭ قۇزىرەتىنە قالدىرۋىڭىزعا بولادى»، - دەپ اتاپ كورسەتتى.
ايتا كەتەيىك، وتىرىس بارىسىندا جاقسىبەكوۆ جاڭا كونستيتۋتسيالىق وزگەرىستەر بويىنشا دەپۋتاتتاردىڭ مينيسترلەردى تاعايىنداۋ جانە جۇمىستان شىعارۋ جۇمىسىنا قاتىسا الاتىندىعىن جەتكىزدى.
اۆتور: ارمان اسقاروۆ
