ديماش ق ر تۇڭعىش پرەزيدەنتى قورى سىيلىعىنىڭ لاۋرەاتى اتاندى

استانا. قازاقپارات - بۇگىن ەلوردادا قازاقستان رەسپۋبليكاسىنىڭ تۇڭعىش پرەزيدەنتى - ۇلت كوشباسشىسى قورى سىيلىعىنىڭ لاۋرەاتتارىن ماراپاتتاۋدىڭ جىل سايىنعى شاراسى ءوتتى، دەپ حابارلايدى قازاقپارات.

 قور اقپاراتىنا سايكەس، 2016 -جىلى سىيلىققا 127 ءوتىنىم كەلىپ تۇسكەن. ولاردىڭ بارلىعىن قور جانىنداعى جاس عالىمدار كەڭەسى مەن شىعارماشىل جاستار كەڭەسىنىڭ مۇشەلەرى كىرگەن كونكۋرستىق كوميسسيا قارادى.

 ىرىكتەۋ قورىتىندىسىندا 18 جوبا ۇزدىك دەپ تابىلدى. سىيلىق لاۋرەاتتارىنىڭ ءبىرى قازىرگى ۋاقىتتا «I am a singer» (قىتاي) بايقاۋىندا قازاقستاننىڭ اتىنان لايىقتى ونەر كورسەتىپ جاتقان جاس ءانشى - ديماش قۇدايبەرگەن.

سالتاناتتى شارا بارىسىندا قور مەن تانىمال بالەت ءارتىسى، 2015 -جىلعى قور سىيلىعىنىڭ لاۋرەاتى دوسجان تابىلدىنىڭ بىرلەسكەن جوباسى The Activation ۆيدەوروليگىنىڭ تۇساۋكەسەرى بولدى. اۆتور الەمنىڭ بارلىق بيشىلەرىنە Astana dance challenge جوباسىنا قاتىسۋدى ۇندەيدى.

 اۆتور: مارلان جيەمباي