استانادا كوپ بالالى انالار ماراپاتتالدى
استانا. قازاقپارات - استانادا كوپ بالالى انالارعا «التىن القا» مەن «كۇمىس القا» تابىس ەتىلدى، دەپ حابارلايدى قالالىق اكىمدىكتىڭ باسپا ءسوز قىزمەتى.
«ەسىل» اۋدانىنىڭ اكىمى ەرماعانبەت بولەكپايەۆ حالىقارالىق ايەلدەر كۇنى قارساڭىندا جەتى بالانىڭ اناسى جانار بايجانوۆاعا «التىن القا» توسبەلگىسىن تابىستادى.
سونىمەن قاتار، الدابەرگەنوۆا اقەركە، ءجۇنىسوۆا باعيلا، ماحمەتوۆا اسەمگۇل، رۋكابەر سۆەتلانا، سەيتقوجايەۆا گۇلنار «كۇمىس القا» الدى.
ەسكە سالايىق، «ق ر مەملەكەتتىك ناگرادالارى تۋرالى» قازاقستان رەسپۋبليكاسىنىڭ زاڭىنا سايكەس، انالار 7 جانە ودان كوپ بالا تۋىپ، تاربيەلەگەنى ءۇشىن «التىن القا» الادى. ناگرادتاۋ وسى انانىڭ جەتىنشى بالاسى ءبىر جاسقا جەتكەن جانە باسقا بالالارى ءتىرى بولعان رەتتە جۇرگىزىلەدى. «كۇمىس القا» القاسىمەن التى بالا تۋعان جانە تاربيەلەپ وسىرگەن انالار التىنشى بالاسى ءبىر جاسقا جەتكەن جانە باسقا بالالارى ءتىرى بولعان رەتتە ناگرادتالادى.
