دەپۋتات لاڭكەستىك ءۇشىن ازاماتتىقتان ايىرۋ بابىن كونستيتۋتسياعا ەنگىزۋدى ۇسىندى
ونىڭ ايتۋىنشا، كونستيتۋتسيالىق وزگەرىستەر سىرتقى فاكتورلارعا قاراماستان، ەلىمىزدىڭ تۇراقتى دامۋىن قامتاماسىز ەتپەك.
«وسى ورايدا، كونستيتۋتسيالىق قۇرىلىمنىڭ، قوعامدىق ءتارتىپ قاۋىپسىزدىگىن جانە ادام قۇقىقتارى مەن ەركىندىگىن كۇشەيتۋ ماقساتىندا ۇسىنامىن. كونستيتۋتسيانىڭ 10-بابى 2-تارماعىن كەلەسى رەداكسيادا كورسەتۋ: قازاقستان رەسپۋبليكاسىنىڭ ازاماتى ازاماتتىقتان ايىرىلا المايدى جانە قازاقستاننان تىس جەرگە شىعارىلا المايدى. ازاماتتىقتان ايىرۋ تەك سوت شەشىمىمەن لاڭكەستىك قىلمىس جاساعانى ءۇشىن جانە رەسپۋبليكانىڭ اسا زور ماڭىزى بار مۇددەلەرىنە زارداپ اكەلگەنى ءۇشىن شىعارىلادى. اتالمىش ۇسىنىس تەرروريزم قاتەرىنىڭ كۇرت وسۋىنە بەرگەن جاۋاپ بولادى. ول حالىقارالىق تاجىريبەگە ساي كەلەدى. ول ءۇشىن كەلەسىدەي تالاپتار ورىندالۋى قاجەت: ازاماتتىقتان ايىرۋ قۇزىرلى ورگانداردىڭ شەشىمىمەن عانا جۇرگىزىلەدى. ءبىزدىڭ ۇسىنىستا تەك سوتتىڭ شەشىمىمەن. ەكىنشىدەن، سەبەبى قاتاڭ شەكتەلۋى ءتيىس. ءبىزدىڭ رەداكسيادا ەكى سەبەپ قاراستىرىلعان - تەررورلىق قىلمىستى جاساۋ مەن اسا ماڭىزدى ەل مۇددەسىنە زارداپ كەلتىرۋ»، - دەدى گ. كيم «بۇل ۇسىنىستار كونستيتۋتسيا مازمۇنى مەن مانىمەن جانە حالىقارالىق قۇقىق تاجىريبەسىنە سايكەس كەلەتىندىكتەن، پارلامەنت دەپۋتاتتارىن وسى ۇسىنىستاردى قولداۋعا شاقىرامىن»، - دەپ اتاپ ءوتتى ول.
اۆتور: جاسۇلان جولدىبايەۆ
