رونالدۋ سوڭعى ون جىلدا قانشا گول سوققانىن بىلەسىزبە؟
«رەالدىڭ» شابۋىلشىسى كريشتيانۋ رونالدۋ يسپان پريمەراسىنىڭ 24-تۋرىندا «لاس- پالماس» قاقپاسىنا قوس گول سوعىپ، بارلىق تۋرنيرلەردەگى بيىلعى ءدال سوققىلارىنىڭ سانىن 25 كە جەتكىزدى.
سوڭعى 10 جىلدا ول ءوزى وينايتىن كلۋبتىق كوماندالار («مانچەستەر يۋنايتەد» ، «رەال» ) ءۇشىن ماۋسىم بارىسىندا 25 تەن كەم گول سوعىپ كورگەن جوق. يسپان لا ليگاسىنىڭ بيىلعى مارەسىنە دەيىن «رەال» ءالى 14 ماتچ وتكىزەدى، دەمەك، كريرو قورجىنىن گولعا تولتىرا تۇسەتىنىنە كۇمان جوق. سونداي- اق، «رەال» چەمپيوندار ليگاسىندا دا ءساتتى ويناپ كەلەدى. مۇندا دا پورتۋگال سۇرمەرگەنىنىڭ الاڭنان دوپسىز كەتكىسى جوق. سوندا ماۋسىم سوڭىنا دەيىن كريشتيانۋ رونالدۋ كەمى 32-33 گول سوعۋى مۇمكىن.
وكىنىشكە قاراي، قازاقستاندا كەيىنگى 10 جىل بويى ماۋسىمىنا كەمىندە 10 گول سوعاتىن مەرگەن ويىنشى ءتىپتى جوق. ونى ايتاسىز، سوڭعى 3 جىل ىشىندە 10 گولدان اسىرا سوققان مەرگەن جالعىز عانا، ونىڭ ءوزى - لەگيونەر. «قايراتتىڭ» شابۋىلشىسى جەرار گوۋ 2014 - جىلى - 14, 2015 -جىلى - 29, 2016 -جىلى 25 گول اۆتورى اتاندى.
2015 - جىلدان بەرى مەرگەندەر ساپىنا باۋىرجان يسلامحان قوسىلدى. ول 2015 -جىلى كلۋبتىق تۋرنيرلەردە - 12, 2016 -جىل 17 گول ەنگىزدى. ءبىراق وتكەن ماۋسىمدا ول 17 تۋرا سوققىنىڭ ءبارىن تەك پرەمەر- ليگادا سوققانىن ەستە ۇستايىق.
يسلامحاننان بولەك، د. ساۆيچ، د. دەسپوتوۆيچ سياقتى سەرب مەرگەندەرى دە 2015 جانە 2016 -جىلداردى جاقسى كورسەتكىشپەن اياقتادى. ءبىراق كريشتيانۋ رونالدۋدىڭ بيىگىنە جەتۋ قازىر ءبىزدىڭ مەرگەندەردىڭ تۇسىنە دە كىرمەيتىن سەكىلدى...
