الەمگە ايگىلى بوكسشى يەسىز كولىكتى ءبىر قولىمەن جىلجىتىپ ءجۇر - ۆيدەو
استانا. قازاقپارات - كيەۆ قالاسىنىڭ مەرى، بۇرىنعى تانىمال بوكسشى ۆيتالي كليچكو تاعى دا جۇرتشىلىقتى تاڭعالدىردى.
بۇل جولى كەرەمەت پىكىرىمەن ەمەس، فيزيكالىق كۇشىمەن.
بۇل تۋرالى life.ru حابارلايدى.
كيەۆ تۇرعىنى قالا باسشىسىنىڭ ءبىر قولىمەن ۇيالى تەلەفونىن ۇستاپ، ال ءبىر قولىمەن كولىكتى الدىنان يتەرىپ قوزعاپ جاتقانىن ءتۇسىرىپ الىپتى.
وقيعا كۋاگەرىنىڭ ايتۋىنشا، كولىكتى قوزعاۋ ءۇشىن قالا باسشىسىنا ءبىر قولىنىڭ دا كۇشى جەتكىلىكتى بولىپتى.
«كليچكو كوشەلەردى دۇرىس قويىلماعان كولىكتەردەن تازالاپ ءجۇر. ونىڭ كۇشتى بولعانى سونشالىق تەلەفونمەن سويلەسىپ تۇرىپ تا كولىكتەردى قوزعاي الادى»، - دەيدى روليك اۆتورى.
