پرەزيدەنت اكىمدەردىڭ اكتىلەرىنىڭ كۇشىن جويا الادى - يگور روگوۆ
بۇل تۋرالى بۇگىن پارلامەنتتىڭ بىرلەسكەن وتىرىسىندا كونستيتۋتسيالىق كەڭەس باسشىسى يگور روگوۆ ءمالىم ەتتى، دەپ حابارلايدى قازاقپارات.
وتىرىس بارىسىندا ق ر پارلامەنتىنىڭ دەپۋتاتى سەرىك بەكتۇرعانوۆ وسى باپقا قاتىستى ساۋال قويعان بولاتىن.
«كونستيتۋتسيالىق وزگەرىستەر تۋرالى زاڭ جوباسىندا پرەزيدەنت وبلىس، قالا جانە استانا اكىمدەرىنىڭ اكتىلەرىن تولىق نەمەسە جارتىلاي توقتاتا الادى دەپ كورسەتىلگەن. سونىمەن قاتار كونستيتۋتسيانىڭ وزگە دە باپتارى بويىنشا ۇكىمەت وبلىس، قالا جانە استانا اكىمدەرىنىڭ اكتىلەرىن تولىق نەمەسە جارتىلاي توقتاتا الادى دەپ جازىلعان. وسى ەكى باپ ءبىر-بىرىمەن باسەكەلەسىپ، كەيىن ءبىرقاتار قايشىلىقتارعا الىپ كەلمەيدى ما؟»، - دەپ سۇرادى دەپۋتات.
ءوز كەزەگىندە، كونستيتۋتسيالىق كەڭەس باسشىسى ونداي قايشىلىقتار بولمايتىنىن اتاپ ءوتتى.
«بۇل باپتار جاڭادان ەنگىزىلگەن باپتار ەمەس، ولار قازىرگى كونستيتۋتسيادا دا بار. بۇنداي قۇزىر قالدىرىلدى. تاجىريبەمىزدە ونداي باسەكەلەستىكتەر ورىن العان ەمەس»، - دەپ جاۋاپ بەردى يگور روگوۆ.
ايتا كەتەيىك، بۇگىن پارلامەنتتىڭ بىرلەسكەن وتىرىسىندا «ق ر كونستيتۋتسياسىنا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسى تالقىلانۋدا. وتىرىس باسىندا ق ر پرەزيدەنتى بايانداما جاسادى.
اۆتور: جاسۇلان جولدىبايەۆ
